Räppinä moisa Saksa mõtsa Essänd P. Rosenfeldt kaibas kohto een, et 27 Junil kui mõtsa Essänd Mäggiotsa mõtsa om käino ülle kaemann om temmä leidno et roistikko päält om warskelt nori Lõhmus puid ärrä olno lõigutu, ja ärrä korito, päle selle om sest sammast roistikkust Paap Jagondi pois nidse kormaga wäljä sõitno, sis om mõtsa Essänd teddä kindi wõtno, kus mõtsawaht Ado Uibo mann om olno, ja om neo nidse ärrä loeto ja om leito 900 tükki lõhmus pu nist olno, ärrä korito pi pikkus om läbbistikku olno 3 jalga, nink pu jämmedus labbistikko 1/2 tolli krono taksi perrä om nõudminne puu trahwi 4 Rubla 50 kop ja kindi wõtmisse trahwi 1 Rubla.

Seddä nõuwap mõtsa Essänd wäljä massetus sada.

Jaan Jagund üttel küssimisse päle et temmä poig om tonod omma niotsast nido päält neid lõhmusi kori ja 2 üssä täit om Isak Pabuski nido päält tonod.

Ülle kaemisse perräst jääs polele ja pois Pabo perräst.

Jaan Jagund lubbas 3 Rubla ärrä massa 2 Rubla trahwi, ja 1 Rubla kindi wõtmist.

Sellegä jäi mõtsa Essänd rahho.

Pä kohtomees Jaan Holsting

Kohtomees Jakob Türkson

Kohtomees Paap Kress

Kohtomees Writz Konsap

Kohtomees Josep Ritsmann

Kohtomees Writz Solnask

Kirjutaja J. Jaanson <allkiri>