Karraskij Koggokonna kohhos sel 3dal märtsil 1878

 Tulli ette Märt Likker ja kaibas et ollnowa Musti mõisa mõtsan puid raggoman ni samma ka Peter Warjen, mõtsawaht Jaan Pälloson  tulno ka sinna ja käskno 6 puud mes palgest ollowa perrä jääno üts sin tõine sääl ärra raggoda, tolle pääle üttelno Märt Likker kes om jämedämpa ärra raggono too raggoko ka penemba, kes om lihha sööno too söögo ka luu todda kulden nakkano Peter Warjen temma poole tullema, noid sõnno üttelden, kes om lihha sööno, kas minna ollen lihha ärra sööno, nink tahtno tälle kirwega lüwwa, siiski ei ollewat mitte kirwega enge kirwe kundaga wasta rindo, wäega kõwwaste, nink Märt Likker wõtno tedda perräst löömist kinni et ennamb rohkemp kahjo es wõi tetta, ja pördno tedda mahha nink üttelno et enne minna sinno ülles ei lasse kui tunnistaja manno tullewa, nink nõudis tolle löögi eest /50/ wiiskümmend rubla nink andis tunnistajas mõtsawahti Jaan Pällosoon ja Krootusse meest Hendrik Saarna. 

Sai ette kutsotus Peter Warjen nink Märt Likker kaibus ja nõudminne ette loetus kes ütles se om küll õige, et minna tedda kirwe kundaga tõugasin lööno minna tedda küll ei olle, se ülle pahhasin ma wäega ärra, et temma ütles kes lihha sööno se söögo ka luu egga minna noid jämmedimpe puid säält wälja es korja, et temma todda wõip üttelda, ent minna sain küll ennamb haiget, kui temma minno hao sisse mahha leie sain joba wäega haiget, perräst todda käkkis temma minno lõõrist et hõng kinni jäije, ni et waiwalt appi tännitada jõusin, kui mõtsawaht sääl liggidal ei olles olno, sis olles temma minno küll ärra käkkistanno õnnes mulle et wõrast rahwast sääl olli. 

Sai ette kutsotus tunnistaja mõtsawaht Jaan Pällosoon nink saije Märt Likker kaibus ette loetus, kes kiik ütles kaibusse õige ollewat, minna kässin noid puid mes palgest olliwa ülle jääno 6 puud 3 Märt Likker jaos ja 3 Peter Warjen jaos ärra raggodo, sis ütles Märt Likker ni kui minna joba olle kuulno Märt Likker tem(m)a kaibussest tulno Peter Warjen Märt Likker manno ja lööno küll kirwe kundaga temmale wasta rindo tolle pääle pördno Märt Likker tedda mahha, weiti aja perräst tännitanno Peter Warjen mõtsawaht talle appi hõngo käkkistap kinni, et minna mitte liig kawwen es olle lätsi sinnä manno ja ütli et lasse tedda ülles, sis laskis Märt Likker tedda ülles aga käkkistamist es näe minna küll mitte. Se wõip küll olla. 

Sai ette kutsotus toine tunnistaja Hendrik Saarna Krotussest sai kaibus ette loetus kes nida samma tunnistas kui mõtsawaht Jaan Pällosoon 

Otsus    Kohhos mõistis et Peter Warjen om tülli allostaja olno, nink ka kirwe kundaga om lööno, nink se löök ka mitte liig suur ei olle olno massap Peter Warjen Märt Likkeril löögi eest /3/ kolm rubla nink /3/ kolm rubla walla waeste laati trahwi 8 päiwa seen ärra massa selle perräst es saka mitte Märt Likker nõudmisse perrä rohkemp mõistetus et essi ka tolle mann süüdlanne om et Peter Warjenit om mahha lööno. 

Sai kohto Otsus ja § 772-773 kohton käiadelle ette loetus ent Märt Likker es olle rahho pallel Protokolli mes kohhos ka lubbas anda. -

                                                         (Allkirri)

L.S.   Protokoll wälja anto sel 9 märtsil 1878.