Neljas kohhos sel sammal päiwal  

Tulli ette Johann Peitli Karraskist ja kaibas lesja Ann Hirschsoon pääle, et ollewat temmale üts kõwwa säng laino pääle andno, enge nüüd ollewat mitto kõrda om(m)a sängi ärra nõudno kos Ann Hirschsoon temma küssimissest middägi ei hoolwat, nüüd pallel kohhot, et peäs tedda sundma et andko säng taggasi ehk masko üts rubla temma omma rahha mes sängi eest om massno, sis jäägo säng temmal, ja andis tunnistajas abbi kohtomeest Johann Raig kes tood hinna massmist tiap et mitte rohkemp ei olle nõudno kui essi om massno. 

Sai ette kutsotus Ann Hirschsoon Krootussest woolmünder Tanil Kärner nink Johann Peitli nõudminne ette loetus kes selle pääle ütles, temma Johann Peitli olli mulle rahha wõlgo nink andis too säng mulle rahha oodusse eest ni et säng mulle obis perrisses piddi jääma ehk kui tema omma sängi ärra tahhap, et küll mulle olli rahha oodusse ehk protsenti eest olli anto sis massko mulle agga rubla päält 5 kop 17 rubla olli minnol temma käest saada. 

Sai ette kutsotus tunnistaja Johann Raig kes ütles minna et tija muud kui et Johann Peitli säng 1 rubla wäärt om mes temma essi massno om, ja minna wõttan ka too säng egga päiw tolle hinna eest. 

Sai weel ette kutsotus Ann Hirschsoon nink kohto poolt küssitus kas tolle mann ka tunnistust wõip ülles anda et Johann Peitli too anto säng om rahha oodusse eest andno kes tunnistust es ütle ülles anda ollewat. 

Otsus  Kohhos mõistis tunnistusse perrä et säng om üts rubla wäärt ollno massap Ann Hirschsoon Johann Peitlil üts rubla rahha ehk andko säng taggasi, Ann Hirschsoon kõnnet, et om rahha oodusse eest säng temmale anto es wõi kohhos uskuda selle perrast et tunnistust tolle ülle es wõi ülles anda. 

Sai kohto Otsus nink § 772-773 kohtonkäiadelle ette loetus, ent Ann Hirschsoon es olle rahho pallel Protokolli mes kohhos es lubba anda

L.S.  Protokoll sel 9dal märtsil 1878 

wälja anto                                                                   (Allkirri)