Ette tulli An Westberg ja kaibas oma welle Johann Westberg pääle, kellele temma 17 rubla nüüd jo 4-ja aasta eest oli lainnanu, ja nüüd salgawad Johann ärä ja ei tahtwad ärä massa, sedä nägi tõine welli Peter, ja weel nõwab 30 waka kartoflid ja ka elo korteri. 

Johann Westberg ütlep et temä ei ole kül 17 rubla lainanu enegi 8 rubla, sedä ole minä kül wasta wõtnu aga sedä ole mina tasa tennu, ole temä pojale ütte särgi andnu ja wöö rätti andnu. Ja see raha olnu ka poja raha.

Neide mõlemide welli Peter Westberg tunistab et tuud raha olnu tõtteste 17 rubla, mes Ann  Johannile oli lainanu kos temä esi man olnu,ja see om selge asi.

Otsus:

Kogokonna kohus mõistab et Johann Westberg peäb oma sõsarel Ann Westberg temä wõlga 17 rubla, katte nädali sisen wälja masma; ja ka wiis wakka kartoflid ja omma korteri pidama.

Otsus kuuluteti § 773,774 perrä Tallorahwa Säädusen.

Johann Westberg and üles et temä otsusega rahul ei ole.

Pääkohtumees Andres Nikopensius

Kohtomees Peter Nemwalz

kohtomees Jaan Leib