Ette tulli Porrila Johann Lepäson ja kaibas omi kartoflide peräst Leppärentnik Hans Klaaw pääle kelle tsea temä kartoflid olewad ära tsungnu, 1/2 wakamaad, nii et temä esi oli üts kõrd noid tsiku wälja ajanu kartoflist Leppäle, sedä nännu Jaan Paide. Pühäpäiwal lännuwa Jaan Leega ja Ewa Paide, Jakobi n. Liis Kibbena kui Leppä karjuse tsiku oliwa wälja ajanuwa.

Tunistaia Jaan Paide tunistab et temä om nänu kui Johann Lepäson oli omi kartoflide mant Leppä poole ütte hulka tsiku ajanu. Tu olnu poolpäiwal.

Jaan Leega tunistab, et temä om omast us-aijast nännu, kui pühapäiwa õdang  oli üts naiste rahwas Johann Lepäson kartoflist tsiku wälja ajanu Leppä poole, olnu ka penni ütten.

Jakobi n. Liis Kibena tunistab et temä om selgest nännu kui Leppä karjus oli Johani kartolist tsiko wälja ajanu Leppä karja manu, olnu 6 tsikka.

Ann Kuklas tunistab et temä om ka kolm tsika kartoflist wälja hirmutanu.

Johann Waks tunistab et temä om nännu nelli tsikka Johanni kartoflen, noid pagenu üts wälja ja joosknu Porrila kolka õkwa sisse.

Hans Klaaw ei ole tulnu, jääb pooleli.

Pääkohtumees Andres Nikopensius

kohtumees Peter Nemwalz

   "   Jaan Leib