Ette tulli Kahru Jaan Kirber ja kaibas Jakob Kahre pääle, kes tahtwad kats ma tükki temä krundi sisest weel ilma õiguseta tõwus tettä, üts om ristik haina sööti ase kohes sit panta ja röäs tetta ja tõine om kütteta ma päält kats wilja woetu ja Jakob taht kolmandat tetta kedä temä ei lase. Neid mõlembat tahab Jaan hendale tõwus tettä.

Toiselt nõwab Jaan Kirber oma põllu alutside päält, mes Jakobi krundi sisse lännu, oma mõtsa ära ragoda.

Pääkohtomees ja wallawanemb tunistawa et katte noori al om Jaani mõtsa Jakobi krundi sisen.

Kaiwataw Jakob Kahre wastutab et ta röä kõrs olewad temäl ta peris pruugitaw ma, küttisse  maa päält om enegi kats wilja saadu, säält tahab temä lepingo perrä kolmandat. Mõtsa peräst ütlep Jakob, wõtku nemä oma, mina wõtta oma, ehk süntku wahetus kas kui taht, sõõri maa päält.

Otsus: 

Kogokonna kohus mõistab, et Jakob Kahre teep oma kats maatüki esi tõwus, Jaan Kirber ei woi seda keelda. Põllu ma mõtsa rago Jaan ja Johann Kirber oma wana tüki päält esi ärä, niisama ka Jakob Kahre, prii ehk karjama mõtsa jääwa kinni, ei woi keäki üts tõise krundi sisest ragoda.

Otsus kuuluteti § 773, 774 perrä T. Säädusen. 

Jaan Kirber and ülles et temä otsusega rahul.

Pääkohtomees Andres Nikopensius

Kohtumees Peter Nemwalz

   "   Jaan Leib