Marja Peetson kaibas kohto een, et temmäl om Jakob Pullasniga 3 aastaiga aigo taggasi poig sanud sis kui nemmäd Kristjan Häidkindi mann Lintel tenistussen om olno, agga seni ajani ollewa Jakob Pullask mitte middägi Marjal andno, nüüs nõuwap Marja lapse ülles piddämisses Jakob Pullaski käest 150 Rubla.

Jakob Pullask üttel küssimisse päle et eddimält ollewa temmä 5 Rubla andno, Marjal, ja sis ollewa weel Marja Jakobi käest ärrä riisno, kübbärä, kala rätt, hamme, kassok, püksid, 1 paar jalla rätte, ja 3 palmikud, ja 1 paar kindit. Ja päle selle 1874 aasta Suwwise pühhi wimäse pühhäl ollewa leppingo tenno Marjaga ja ollewa sis 10 Rubla weel Marjal masno sellegä om ots jänud.

Marja üttel küssimisse päle, et temmä ei ollewa mitte middägi riisno Jakobi käest ja ei ollewa ka middägi riisno Jakobi käest ja ei ollewa ka Jakob rahha andno.

Kristjan Häidkind tunnistas et Marja ollewa Jakobi käest ärrä riisno, kübbär, pool pikkune kassok, hamme, püksid. Leppingo mann Kristjan ei ollewa olno rahha andmist Kristjan ka ei olle nänno agga kulu om kül, kui Marja om üttelno et Jakob om 10 Rubla andno temmäle.

Marja Peetson üttel, et temmä selle perräst ei olle ennembä kaibano 3 aasta sissen et Jakob ollewa teddä ärrä lubbano wõtta.

Kohhus mõistis, kaibust tühjäs selle perräst, et Marja om Jakobid riisno, ja aiksamalt ei olle kaibno.

§773 om ette kulutedo

Marja eest kostja welli Mihkel

Marja Peetson pallel prottokoli

29 Julil om Marjal Appelatsion wäljä anto.