Jakob Parmson kaibas kohto een pilleti Soldat, et temmä om Raiglan omma koddo sissen maggama jänud ja, sis sel aial ollewa Ann Soeson ja Liso Kresmann temmäl westi ja kübbäräd ärrä wötnowa ja Jakob Parmson üttel hendäl westi taskon pabberi sissen olno 14 Rubla pabberi rahha ja 30 kop hõbberahha, agga ütte näddäli perräst ollewa tüdrukud Ann Soesoni Emmä sedda westi Jakob Parmsonil kätte andno, agga rahha ei olle ennämb westi taskon olno, Nüüd nõuwap Jakob omma rahha wäljä massetus sada.

Ann Soeson üttel küssimisse päle, et nemmäd om kül wõtno Jakob Parmsoni westi ärrä ja kübbäräd agga Jakob ollewa neide saapad ärrä wõtno ösi enne, selle perräst ollewa nemmäd päiwä Jakobi westi ja kübbäräd ärrä wõtno ja wõtmisse mann om olno Jakob Ojosoni naine Mina, ja se wõtminne om olno nalja perräst, agga rahha ei ollewa mitte Jakobil taskon olno ja ei ollewa ka nemmäd rahha Jakobil nänno.

Ni samma tunnist Lisu Kresman Pabo tüttär, et westi om nemmäd Jakobil wõtno, agga rahha ei olle taskon olno.

Jakob Ojosoni tunnistusse perräst jääs polele, selle perräst et Jakob om üttelno et 4 Rubla 30 kop ollewa ärrä kaddono.