Räppinä moisa wallitsusse polest kaibati wasto moisa sullasid Gustaw Musk, Hindrik Rikkandson, Wido Kolli ja Gustaw Liskmann ja Gustaw Lambingi, et neo moisa poisid ollewa pragostist seni kui lõunani töhhu sadeto ja maa mõõtja ollewa neid poisid lõune ajg wallale laskno, agga neo poisid ei ollewa koddo tulnu enne kui õddago, ja ei ollewa ka mitte tööd küssinu.

Ma mõõtja ollewa ülles andno et temmä lõune aig neo poisid tööst wallale om laskno.

Neo poisid wastutiwa et kel 9 om neid sadeto ma mõõtja manno, ja maa mõõtja ollewa kel 3me aig wallale laskno, ja kella 4 ja 5 aig ollewa nemmäd Wõbson lõunat piddano ja kellä 7me aias ollewa nemmäd Wõbsost 6 wersta Räppinäle tulnu.

Ja neo poisid ütliwä et Opmann 1 tund aigo neid neide ommast aiast tühhu aiano.

Se paiw om pool päiwäne päiw olno.

Moisa wallitsusse nõudminne om,

Kohhus mõistis, et moisa wallitsuss arwago neide poisse eggä ütte päiwä mant 2 tundi mahha, ja päle selle peawa weel eggä üts 25 kop waeste ladikus trahwi masma.

29 Julil peab masseto ollema.