Ette tulli Hindrik Kikkas ja kaibas, et wana Jaan Pangi, Hindrik Sillaotsa ja Jaan Hagiwangu kari tema haina kuhja ära kaknu ja niidu ära sõknu; tema nõudwat kahjo tasomist haina kuhja kakmise eest 1 Rbl. ja niidu sõkkmise eest 9 Rbl. Kokko 7 Rbl.

Wastutiwa kaibuse pääle wana Jaan Pang, Hindrik Sillaots ja Jaan Hagiwang, et nema Hindrik Kikka haina kuhja kakmisest kui ka niidu sõkmisest midagi ei teedwat ja selle perast ei wõiwat nema ka Hindrik Kikkale kahjo tasumist massa.

Kohtumees Peter Sillaots, kes kahjo üle kaenu, üttel, et Hindrik Kikkas haina kuhja kül elaja sarwiga olnu laotanu, mink eest arwada 50 kop. kahjo olnu, niitu olnu ka kül sõkkutu, mink eest tema 2 Rbl. kahjo arwanu ollew saada, ent kelle elaja kahjo tennu, ei teedwat tema.

Nema es lepi.

Otsus:

Kuna Hindrik Kikkas tunnistajade läbi tõttes es saa tetta, et wana Jaan Pangi, Hindrik Sillaotsa ja Jaan Hagiwangu kari tema kuhja om laotanu ja niitu sõknu ja ka neide elajid ei ole pantnu sis ühendiwa henda kohtu liikme nink saije Hindrik Kikkase kaibus wana Jaan Pangi, Hindrik Sillaotsa ja Jaan Hagiwang wasta kahjo tasomise nõudmise perast tühjas mõistetus.

See kohtu otsus sai kohtun käüjile kuulutedus § 773 ja 774 Sääduse raamatust 1860 aastast ära selletedus.

Pääkohtumees: J. Kabist [allkiri]

Kohtumees: P. Sillaots [allkiri]

       "              P. Klais [allkiri]

Appellation Hindrik Kikkas'sele 17. Oktbr. 1887 wälja antu.