Fritz Kirrutar Orrawi Resna külläst perrismaa piddäjä kaibas kohto een wasto Jaan Zängowi Räppinä wallast, et Jaan Zängow om Jani päiwä ösi 24 Julil ütte temmä murru päle wõi usse aida länno sis kui perremees Writz Kirrutar issi koddon ei olle olno, ja Writzil ollewa sääl se öl kahjo tetto Aida luk ja Salwed rikkutu, kaddono ollewa 1 talwe kübbär 1 Rubla 40 kop wäärt, ja päle selle ollewa Jaan weel Writzi tudrukidega hullama länno, om Marri Zupsmani üska wõtno ja kali tarremanno tahtno wija, ja sis tüdruk ollewa tännitämä hakkano, sis ollewa Jaan tüdruko wallale laskno.

Jaan Zängow üttel küssimisse päle et ni paljo ma tija et Saapa kübbärä wõtja ja lukko lahkja om trahwi masno ja temmä ei ollewa mitte jalga senna winud.

Gustaw Musnk üttel et Jaan Zängow ollewa tüdruku üska wõtno.

Marri Zupsman tunnist et temmä om omma murru pääl Aida wõttind otsno, ja sis ollewa Jaan Zängow teddä üskä wõtno ja koli tarremanno tahtno wijä.

Marja Zuskar teine tüdruk tunnist ni samma et Jaan neide murre pääl om olno.

Kohhus mõistis, et Jaan Zängow peab 5 Rubla masma, ehk wõtko 25 witsa lööki selle ösi ümber hulkmisse eest.

§773 om ette kulutedo.

Jaan Zängow pallel prottokoli

12 Aug om Appellatsion wäljä anto.