Ette tulli Laswa walla mees Peter Härm ja kaibas, et tema Andri Wassaga kauba tennu 1/2 kubik sülda kiwwe Raudtee pääle wiija minu eest se tälle 8 Rbl. 50 kop. pidanu masma; ent kuna tema nee lepitu kiwi jo ära ollew wedanu Raudtee pääle ja Andri Wassa weel tälle raha ära ei ollew masnu, sis nõudwat tema see raha kätte saada; ja pääle selle weel ütte päiwa wiitmise eest kuna Andri Wassa mitte  kohtu ette es ole tulnu 40 kop. kokko nõudwat tema 8 Rbl. 90 kop.

Wastut kaibuse pääle Andri Wassa, et see kaup kül õige ollew, ent tema esi ei ollew neide kiwwe eest weel Puiga Jaan Erlemanni käest, kellega temal kaup olnu tettu - weel raha kätte saanu ja ei ollew nüüd kostegi Peter Härmale massa, enne kui tema Jaan Erlemanni käest kätte om saanu.

Otsus:

Andri Wassa peap Peter Härmale masma 4 nädali aja sisen a dato kiwiwidamise raha 8 Rbl. 50 kop. ja ütte päiwa wiitmise eest 30 kop. kokko 8 Rbl. 80 kop. ja wõip siis Jaan Erlemanni käest omma lepitu raha nõuda.

See kohtu otsus saike kohtun käüjile kuulutedus § 773 ja 774 Sääduse raamatust 1860 aastast ära selletedus

Pääkohtumees:

Kohtumees:

      "

Andri Wassa 8. Junil 1888 4 Rbl. masnu

käen ära mastu