Ette tulli Jaan Jakobson ja kaibas, et Jaan Andruse tema mõtsa üle piiri ära ragonu nimelt 18 pedajat arwata 8 ehk 6 tolli jämme, tema nõudwat kahjo tasomist a' 50 kop. tükk. Summa 9 Rbl.

Tunnistaja ollew Jaan Toots.

Wastut kaibuse pääle Jaan Andruse, et üle piiri Jaan Jakobsoni maa päält kül mõni pettai raotus saanu wana piiri perra, ja kui paljo, ei teedwat tema üttelda.

Tunnistaja Jaan Toots 32 aastat wana Lutteri usku, tunnist, et tema ei teedwat kui paljo puid Jaan Jakobsoni maa päält Jaan Andruse ollew ragonu.

Otsus:

Kande üle kaeda.

Otsus om ette loetu.

Pääkohtumees: J. Kabist [allkiri]

Kohtumees: P. Sillaots [allkiri]

        "             P. Klais [allkiri]