Saije see poolele jäänu  №    ette wõetus ja Jaan Armulik kaibus omi kuljuste peräst selletetus.

Michel Wars küsitu, kelle kuljusse nee oma olnuwa mes temä Liismitte meestele sõita om andnu: Ütleja  oma olnuwa ja oli ostnu Wõrro laada päält ja masnu 170 kop.

Wallawöörmünder Jaan Kõiw tunistab, et Michel Wars om mööda lännu suwel kui nemä Serreste mõisan neid Armuliku kuljussi oma takkan otsnu, üttelnu Wars et temäl määratsitki kuljussi ei ole.

Otsus:

Kogokonna kohus mõistab, selge tunistuse perrä, et Michel Wars peäb 5 rubla Armulikule kuljuste eest masma, ja kats rubla warguse trahwi waeste kassa, Kähri.

Otsus kuuluteti kohtu käüjile § 773, 774 perrä T.S.

Michel Wars and üles et temä otsusega rahul ei ole.

Pääkohtumees Andres Nikopensius

Kohtomees Peter Nemwalz

   "  Joh. Nikopensius

   "  Jaan Leib