Ette tulli Haniast Peter Raup ja kaibas wasta Jaan Tamm, et see (Jaan Tamm) tema tütre Marrina 4 aasta eest henele naises wõtnu, nink rohkemb xx aastat sellega abielon elanu ja ära koolnu ilma et üttegi last perra jätmada ja ollew tema kadonu tütrele ütten antu warandus peran selle surma Jaan Tamme kätte jäänu, nimelt:

1. 1 lehm hinna perra    19 Rbl.

2. 1 lammas    "                 3  "

3. 2 jakki ja 2 ündriku     8  "

4. 1 kohwri                        8  "

               Summa            38 Rbl.

Tema (Peter Raup) nõudwat seda Jaan Tammelt kätte saada.

Wastut kaibuse pääle Jaan Tamm

pnt. 1. pääle, et lehma raha tema kadonu naise Marrina põetamise ja puhete pääle ära kulunu.

pnt. 2. pääle, et lamba raha kadonu Marina  rohitsemise pääle ollew kulutedu.

pnt. 3. pääle, et 1 jak ja 1 ündrik ka kadonu naise Marina rohitsemise ja põetamise pääle ära pruugitus saanu rohkemb ündrike ei ollew perra jäänu ei ka enamb jakke.

pnt. 4. pääle, et kadonu tema naine Marrin ollew oma kohwri enne surma temale (Jaan Tammele) lubanu ilma et ütski seda tema käest tagasi perida wõiwat; pääle selle ollew xxx kulu ka tema poolt olnu, ja ei ollew temal mitte midagi oma kadonu naise perra jäänu warandusest perra jäänu, mes tema Peter Raupale oma kadonu naise esale tagasi pidawat andma.

Jaan Tamm and tunnistajas üles Ann Aija, kes man ollew olnu, kui tema kadonu naine Marrin oma kohwri temale lubanu.

Otsus:

Ette kutsu Ann Aija.

Pääkohtumees J. Kabist [allkiri]

Kohtumees P. Sillaots [allkiri]

       "             P. Klais [allkiri]