Teiselt, tulli ette Jakob Troon, ja kaibas, et Johan Laban ollewa temma walmis tettu hakko 25. kubbo mõtsast hendal koddo wiinu, ja nõudis selle eest, 1. rubla hob. kahju tassomist. - Kohtomees J. Leppason ollewa ülle kaenu. - 

Kutsuti, ette Johan Laban sai kaibus ette loetus, kes koggoniste ärra salgas, ja kindma sõnnaga ütles, et temma ei ollewa, Jakob Troon hakko mitte ütte kubbu koddo toonu ei ka wõtnu. -

Otsus  Kohhus moistis, kohtomees Jaan Leppason´i ülle kaemisse, ja walja ütlemisse perra, et Johan Laban´i haggode sissen om ollnu säärast hakko, kui nimmelt, haawa haggo, mes nänno ka Jakob Troon haggode mann omma, massap Jakob Laban, Jakob Troon´il

2 kop.hob. egga kubbu teggemisse, ehk kokko pandmisse est, se om 50 kop. 25. kubbu päält, nink selle est, et wõõrast ommandust putnu, massap 50 kop. waeste kassa trahwi, mes kiik 8. päiwa sissen peap ärra massetu ollema.

Sai kohto moistminne ja § 772. nink 773. kohton käujatelle ette loetus, ent es olle kumbalgi selle wasta ütlemist nink lätsiwa rahhun wälja. -

                              Karraskij Kohtomajan sel 12al mai 1878.

                                                          Eenistja, J. Tullus  XXX

                                                         Mannistja, Jakob Uibo  XXX

                                                         Mannistja, Jaan Leppason  XXX