Teiselt tulli ette Kährimees, Jaan Nikopentsius, ja temma wöörmünder Andres Wals, ja kaibas, et temmal olnu Karraskij perremehhe Johan Laban´iga ütte aasta Sullase kaup tettu, palgas ollnu leppitu, 20. Rubla hõb. selget rahha, ja perremehhe reiwas, ja nüüd ollewa seitse näddalit ärra teenitus saanu, nink karjus lannu ärra ja perremees kasknu temmal karja minna, ent temma ei ollewa karja ärra leidnu, nink tullnu koddu taggas, selle pääle nakkanu perremees tõrrelema, ja looma, ehk pessma, nink ajanu koggoniste ärra, nüüd palle kohhut omma asja selletada, ent tunnistajat es olle olle mitte ülles anda kohto küssimisse pääle. 

Kutsuti ette perremees Johan Laban, ja sai kaibus ette loetus, kes selle pääle ütles, palga leppiminne om õige, nisamma ka reiwa andminne, ent muidu olli kaup tettu, sest et minnol waikenne maakottus om, et kiige töö pääle mes ennegi üts meeste Inneminne woip tetta, peap kiik ilma wasta pannematta teggema, nüüd käsksi, et piddi Karja minnema, agga es lähha mitte, ja sedda es woi minna mitte teeda, et temma nii rummal, ehk täwwe meele puudulinne om, kui minna tedda nüüd olle leidnu, ja päälegi nii wihhas, et ähwardap tappa, ja pallotada, nink sõnna ei kuule sukkuki, sis palle kohhut, et minna säärast teenijat mitte ei woi piddada, kes ähwardamisse, tappmisse ja pallotamisse sonnadega ümber käüp, kos minna omman Majan sukkuki julge ei woi olla, ehk rahhun ellada, löönu ei olle minna temmal mitte, agga temma tahtse küll minnul lüwwa, ent es sa mitte, tunnistajat es olle ka mitte kohto küssimisse pääle ülles anda. 

Otsus    Kohhus moistis sest, et näggi, et Jaan Nikopentsius üts koggoni nõrga meelelinne, ja rummal innimenne, nink üttegi teenijat temmast wõõra wallan ei sa, nink ei woi ka saada, et Johan Laban peap Jaan Nikopentsius´el se teenitu aja est, se om 2. Rbl 69 1/2 kop. hõb. 8. 1/2 päiwa sissen wälja massma, nink jääwa teine teisest opis prii.  ent löömisse ehk pessmisse est, es woi kohhus middagi moista, sest et tunnistust, ei ka määrastki märki es woi ülles anda. 

Sai kohtomoistminne ja § 772. nink 773. kohtun käüjatelle ette loetus, ent Jaan Nikopentsius´e wöörmünder Andres Wals, es olle selle perrast mitte rahhul, et kohhus löömisse est middagi ei olle moistnu ja pallel Protokolli mes kohhus es lubba anda. 

Karraskij Kohtomajan sel 26.al mai 1878.

(LS) Protokol, wälja antu, sel 29al mai 1878.       Eenistja, Jaan Tullus  XXX

                                                                                   Mannistja, Jakob Uibo  XXX

                                                                                  Mannistja, Jaan Leppason  XXX