Karraskij Koggokonna kohhus sel 9 junil 1878

Tulli ette lesk Anne Losso temma wöörmunder Jaan Leppäsoon, ja kaibas et Janipabo tallo, nink Ehamarro kõrtsi karri ollewat temma sittamaa rügga wäega ärra söönowa, nink karjosse tolle mann süüdlasse omma olno nõudis röa kahjo kuus mõõto rükki mes ka kohto mehhe omma ülle kaenowa kui nimmelt päämees Jaan Tullos kohtomees Jakop Uibo ja abbi kohtomees Johann Raig. 

Saiwa ette kutsotus kiik kolm karjust kui nimmelt Ann Mandli Johann Kebja nink Ewa Ilda neile neile wöörmündres Tannil Kerner, ja Anne Losso kaibus ette loetus kes hendit wabandada püüdsiwa, nink wäega weidi kahjo neilt tetto ütliwa ollewat, harwa kui wast weere sisse omma ellaja joskno, nink saiwa jalla päält wälja aetus too kahjo ei olle mitte liig suur. 

Otsus   Kolme kohtomehhe ülle kaemisse perra, et om küll õige häste kahjo tetto agga mitte ni paljo kui Ann Losso nõudminne, sis sai kohto poolt mõistetus et egga karjus karjus massap üts mõõt rükki Anne Lossole kahjotassomist süggise arra se om ülle kige kolm mõõto rükki ehk kui neist mõnni rükki ei tahha massa wõip mõõdo rükki eest ka üts rubla selget rahha wälja massa. 

Sai kohto Otsus ja § 772-773 kohton käiadelle ette loetus ja olliwa kiik tollega wäega rahho. 

                                                                                            Allkirri