Tõiselt tulli ette Saarwa tallo perremees Jaan Leppäson ja kaibas et Ehamarro kõrtsi ja Janipabo tallo karri ollewat temma röa ärra söötnowa kelle mann ennegi kõrtsi karjos Johann Kebja süüdlanne om olno, sest teine karjos ollo zigadega essi paigan, nink Johann Kebja jääno karja ellagide mann maggama, sis länno temma maggamisse wahhe aja seen karri minno rüka kos Ewerdi tallo karjos Ann Uibo tedda om ülles ajano nink nõudis henda röa kahjo tassomisses kolm mõõto rükki kos sedda kahjo kohtomees Jakop Uibo nink abbi kohtomees Johann Raig omma ülle kaeno. 

Sai ette kutsotus karja pois Johann Kebja temmale wöörmunder Tannil Kerner ja Jaan Leppasoon kaibus ette loetus, kes ütles õige ollewat, et ollo wäega wässino nink jääno maggama pallel hendale andis andmist, et om koggemata ette tulno. 

Otsus    Kohtomeiste ülle kaemisse perrä om küll kahjo tetta lasto, agga kui temma palga mant ni paljo saap ärra wõetus sis ei sa temma kostki talwe ülles peddamist, sai kohto poolt Jaan Leppasoni käest küssitus kas temma tollega wast rahho om kui pois kohto poolt saap ihho karristamisse läbbi trahwitus, kos J. Leppason ka tollega rahho lubbas olla. 

Otsus.  Kohhos mõistis et pois Johann Kebja kohtol joba wäega tutwa, omma mitme suggotse koirestükke läbbi om mõistis kohhos temmale säitse witsa lööki mes warsti sai teüdetus pääle Otsusse kulotamist.

Sai kohto mõistminne ja § 772-773 kohton käiadelle ette loetus kos nemma sellega wäega rahho olliwa nink kohto tarrest wälja lätsiwa. 

                                                                                (Allkirri)