Ette tulli Serreste mõtsawaht ja kaibas a.st   haina warguse perräst An Wang Liso Liiblik, Liso Rõiwas ja Matli Raamat pääle, et temä olewad neid mõisa ma päält kätte saanu, kos ärä keelto om haina põimast, ja nõwab mõisa käsu pääle egä ütte käest postiwahe põldu kokko panda ja 50 kop. kinni wõtmise trahwi. Kubijas olewad neid kats kini wõtnu, temä wõtnu esi kats, Matli Ramatu käest oli temä tsirpi tahtnu wõtta, enegi tu ei ole andnu, wägisi ei ole temä kiskma lännu.

Saijewa nee kaiwatawa ette kutsutus, ja kaibus kuulutetu, ütlewa: et nemä ei olewad kostki keeltu platzi päält hainu poimnu, ei olewad ka kedägi kkinni wõtnu. Enegi et mõisa walitsus olewad neid platze, kost põimetu, üle kaenu ja suudwad, enegi kõik küllä rahwas olewad neide platze päält hainu põimnuwa.

Liso Liblik ütlep et temäl ei olewad lehmägi, ei olewad ka üttegi peo täit haina põimnu, enegi temä imä.

Mõtsawaht lubas tunistajid üles anda.

Jääb see kõrd poolele kuni tunistaia saawa.

 Ann Wang küsitu ütsikult, ütlep, et temä kül määratsestki keeltust paikast hainu wõtnu ei ole, enegi säält kost hobest sööteti ja muido haina oli põimetu.

Liso Rõiwas ütlep, et temä om kül mõisa platzi päält hainu wiinu, aga kini wõtnu ei ole keäki, enegi säält kost muu ka oma wiinu.

Matli Raamat ütlep et temä om kül sõna-jalgu lõiganu ja sääl om tahtnu mõtsawaht tsirpi wõtta. Ja sedä ei ole temä teednu et tu keeltu olnu.

Otsus:

Kogokonna Kohus mõistab, et kinni wõetu ei ole kiniwõtmise trahwi ei midagi, enegi neide oma tunistuse pääle et nemä mõisa maad oma putnu peäwa ega üts üts wakka ma Serreste mõisa tõugu kokko pandma (keswa ehk kara).

Otsus kuuluteti § 773 ja 774 perrä T.S.

Mõtsawaht and üles et temä otsusega rahul ei woi olla.

Pääkohtumees Andres Nikopensius

Kohtumees Johann Nikopensius

   "   Peter Nemwalz