Ette tulli Jaan Waino ja kaibas Johann Tenäsilme pääle, et temä olewad temä linna üle tuud mes kogokonna kohtun om mõistetu ja weel poolele om, üle kaknu ja ärä warastanu. Seda om wallawanemb üle kaenu ja nõwab oma linade eest 3 rubla.

Johann Tennäsilm ette see kaibus kuulutetu ütlep et temä om enegi tu kaknu, mes kohtun om mõistetu ei mitte üle.

Wallawanemb J. Leppäson tunnistab et tu om selge olnu, selle et tu kütteta ma olnu hainane, ja tu Waino jago olnu waka ma ja ilma hainata. Üle pää olnu 23 samu pintk ja 8-9 samu laijute.

Otsus:

Kogokonna kohus mõistab, 1 rubla trahwi waeste kassa ja 2 rubla Jaan Wainole kahjo tasomist Johann Tenäsilmal massa. Selle eest et temä Jaan Waino linna om kaknu.

Ärä lepinuwa, jääb otsus tühjas.

Pääkohtumees Andres Nikopensius

Kohtumees Peter Nemwalz

   "                Jaan Leib

   "                Johann Nikopensius

P. Nemwalz kirjotaia