Teiselt tulli ette, Ihhamarro kõrtsi tütrik, Anne Mandli wöörmünder T. Kerner, kaibas, et karjus Joh. Kebja ollewa tedda piitsaga ilma asjata ülle sälja löönu, mes jo pääkohtomees Jaan Tullus, ollewat ülle kaenu, ent es moista selle löömisse est middagi nõüda ja jättis sedda kohto hoolele.

Kutsuti ette karjus Johan Kebja, ja temma wöörmünder Michel Mandli, saie Anne Mandli kaibus ette loetus, kes ka es woi salgata, enge tahtse henda tühju sõnnadega wabbandada, mes kohhus es wõtta kuulda. 

Otsus   Kohhus moistis, selle, et kakkelust henda wahhel ei tohhi olla, ja pääkohtomehhe Jaan Tullus ülle kaemisse, ja wälja ütlemisse perra, et ollnu küll rasske löögi joon ülle tütriko pihha, nink, et Johan Kebjal middagi tütriko löögi tassomisses massa ei olle, saap Johan Kebja kohto poolt 10. kibbedat witsa lööki, se om 7 lööki olles temma trahw ollnu, ent tütriku löögi est, saap temma 3 lööki taggasi, teep kokko 10. lööki. 

Sai kohtomoistminne ja § 772 n. 773. kohton kaujatelle ette loetus, ja Johan Kebja warsti ärra trahwitus, nink lätsiwa rahhun wälja. 

                                                                        (Allkirri)