Ette tulli Josep Wasser ja kaibas et temä ei olewad oma leppingo perrä Johann Wasser käest kätte saanu tuud mes lepitu olnu, nimelt wõetuwa lina käest ärä ja ei ole kätte antu. Palk olnu 15 rubla 1/2 waka lina seemne külw ja wakkama mõisa ma linna tegemm. ja arimise töö.

Johann Wasser ütlep et temä ei ole midagi tuust lepingost tagasi jätnu, maja peremees om lina kinni wõtnu, peremees om kaubelnu om ka palga lubanu, mina ei tiija mes palka ta saab ehk mes lepitu om. Mina massa oma lepingo perrä 60 rubla iks ära, enegi maj ost Jaan temäl ei puttu mulle, tu ga tekke peremehega.

Peremees Jaan Wasser ütlep et temä ei ole kül lino Josepile andnu, tu eest Josep ene aasta lõpmist temä teenistusest ärä lännu, tulgu ja teenigu aastaig ärä sis saab palga kätte, mina ole temä kaubelnu ja massaga palga, mina taha temä pääle kaiwata et mino mant ärä om län nu.

Otsus:

Kogokonna kohus mõistab Johann Wasser ja Josep Wasser lepimist kindmas. Nii et Johan Wasser peäb kõik tuud wälja masma, mes ta om lubanu, Josepile andma.

Pääkohtomees Andres Nikopensius

Kohtomees Peter Nemwalz

do: Johann Nikopensius