Kohtomehhe Jaan Tullus, Jakob Uibo, nink abbi Johan Raig

Neljandalt   Tulli ette Johan Wähk, ja kaibas, et temmal ollewa Jaan Leppason, lubbamisse pääle, Kioma Arna mölder Karel Kõrwe kaest üts wakk rükki saada, mes jo ärra teenitu om, ent ei ollewa weel täämba päiwani mitte kätte saanu, nink pallel kohhut, lubbajat, ja andjat sundi, et temma ommandus kätte saas massetus, tunnistada woiwat Jakob Wisnapu kui tarwis om. -

Kutsuti ette Jaan Leppason, sai üllewanne kaibus ette loetus, kes selle pääle ütles, et tõtte om, Arna mölder Karel Kõrwe käskmisse, ja lubbamisse pääle olle minna Johan Wähk´il lubbanu, se üts wak rükki, kos K. Kõrwe minnol ütles lubba temmal ärra küll minna massa, tunnistada woip Jaan Mark Pikka tallust, se olli mann kui Kõrwe min(n)o kaskis, sest, et K. Kõrwe ei olles muido Jakob Trooni mitte hendal sullases saanu. -

Kutsuti ette Kioma Arna mölder Karel Kõrwe, ja sai kaibus ette loetus, kes selle pääle ütles- minna olle Jaan Mark´il henda poolt linna maad andnu, kos temma Jaan Mark piddi kik Johan Wähk´a ärra õigendama, nink minnol ei puttu ennamb middagi, ja ei massa ka mitte, sedda ütte wakka rükki, kui Jaan Leppason om Johan Wähk´il lubbanu, sis massku tem(m)a ka essi henda käest. -

Kutsuti ette tunnistaja Jaan Mark, ja sai kohto poolt küssitus selle röä wakka lubbamisse perrast, kes selle pääle ütles, kui Karel Kõrwe, minno sullast Jakob Troon´i, hendalle kaubel, nink Johan Wähk minnole assemelle sai, kui nüüd kik olli kokko konneldo, ja ärra leppitu, ennegi Johan Wähk nõudminne ütte wakka rükki perrast, weel too wahhe olli, sis käskis Karel Kõrwe minnol ütte wakka rükki lubbata, kos minna temmale ütli, kui sinna minno sullast Jakob Troon´i hendale tahhat, nink Johan Wähk minnole assemelle peap jääma, sis woit sinna temmale essi lubbata, kellel sullast tarwis om, too peap ka essi palka lubbama, sis käskis tem(m)a,(Karel Kõrwe) Jaan Leppason´i, et luppa sinna, tem(m)ale (Johan Wähk´il) too üts wakk rükki arra, küll minna massa, kos sis ka Jaan Leppason, Karel Kõrwe käskmisse pääle, Johan Wähk´il üts wakk rükki olli lubbanu, ja sis saanu kaup walmis. -

Otsus  Kohhus moistis, Jaan Mark tunnistusse perra, et Karel Kõrwe, om käsknu, Jaan Leppason´il lubbata, ja lubbanu henda käest massa, peap Karel Kõrwe, Johan Wähk´il se lubbatu üts wakk rükki ärra massma, mes 8. päiwa sissen ärra täudetu peap ollema, ehk kui arwab hendal liiga tettu ollewat woip Jaan Mark pääle wastsest ümbre kaibata. -

Sai kohtomoistminne, ja § 772. nink 773. kohtonkäijatell ette loetus, ent Karel Kõrwe es olle sellega rahhul, et arwas hendal liiga tettu ollewat, nink pallel hendal Protokolli, mes kohhus es lubba anda. -

(LS) Protokoll wälja antu

sel 11al juli 78.                                                               Eenistja Jaan Tullus  XXX

                                                                                       Man(n)istja Jakob Uibo  XXX

                                                                                             do  abbi, Johan Raig  XXX