Jakob Konsing Tolamalt kaibas kohto een, et temmä om seitse aastaiga aigo taggasi Räppinä mees Gustaw Norrusbergil 100 Rubla rahha lainano agga nüüd seni aiani ei olle weel mitte ärrä masno, nüüd nõuwap Jakob Konsberg Kohto läbbi seddä rahha ärrä massetus sada.

Gustaw Narrusberg üttel, et temmä om seddä rahha ärrä masno Karl Kaldi kätte 111 Rubla 3 aastaiga taggasi 100 Rubla wõlg rahha ja 11 Rubla intressi.

Karl Kalt üttel et Gustaw ollewa Johann Konsingi rahha masno mis ärrä kolo Johani lastele om ärrä jaggato sanud.

Gustaw Narrusberg üttel, et temmäl ollewa Jakobi käest se 100 Rubla lainato olno.

Peep Mälton Tolamalt tunnistas kulu kui Jakob Konsing om lubbano Gustawil 100 Rubla rahha lainata.

Selle aegne Wallawannemb Karl Kalt üttel, et temmä om sel aial Tolama kohto kätte andno seddä rahha.

Gustaw üttel ka et temmä om Tolama kohto kätte seddä rahha masno kus Karl Kalt om wasto wõtno,

Peter Maltoni tunnistusse perräst jääs polele.

Pä kohtomees Jaan Holsting

Kohtomees Paap Kress

Kohtomees Writz Konsap

Kohtomees Josep Ritsmann

Kirjutaja J. Jaanson <allkiri>