Jaan Raudberg kaibas kohto een et 10 Januaril Redi õddago ollewa temmä naine Jula hobbesega Raigla Kolimaja manno länno kolilast 13 aastalist poiga Kolist koddo toma ja kui temmä hobbesega om länno Raigla nurme päält ollewa temmä ütte wanna küllä kaiwo hobbese aiano sissi ilm teedmatta selle perräst et sel kaiwol ei olle middägi märki mann eggä rohhid pääl olno ni et arwo ollew wõino sada et sääl kaiw om, ja se hobbene om wäärt olno 80 Rubla, ja se hobbene om sääl samman paigan ärrä kolo wõi Uppunu. Nüüd nõuwap Jaan 80 Rubla omma Hobbese eest wäljä massetus sada, ja se kaiw ollewa Josep Soesoni rendi põllo sissen olno.

Josep Soeson üttel, et se kaiw ollewa temmä rendi ma sissen kus se hobbene om ärrä lõpno sissi aiamissega, agga kindi ei ollewa selle perräst aeto olno et Paap ei olle abbi andno.

Walla wannaemb Paap Kiudorw üttel, et temmä om omma maa jao sissen 2 kaiwo kindi aiano

Writz Soenarusk tunnistas kulu kui Wallawannemb om kõnnelnu kaiwo kindi aiamissest.

Hobbene om Märrä hobbene 8 aastaiga wanna olno.

Pä kohtomees Jaan Holsting Kohtomees Josep Türkson Kohtomees Josep Ritsmann ommawa seddä hobbest ülle kaeno ja om 50 Rubla wäärt arwano.

Kohhus mõistis et Josep Soeson omma põllo sissen seddä kaiwo ei olle kindi ajano peab temmä seddä kahjo kandma, ja Josep Soeson pean Jaan Raudbergil 50 Rubla selle hobbese eest wäljä masma ja hommen päiw peab Josep neo mõllemba wallal ollejad kaiwod kindi aiama. Ja et Josep seni aiani omma põllo sissen kaiwod wallal om piddäno peab temmä selle eest 3 Rubla trahwi waeste ladikus masma.

§773 om ette kulutedo.

Josep Soeson pallel prottokoli.