Ette tulli Jaan Wasser ja kaibas oma sulase Josep Wasser pääle, kes temä mant poole aasta sisen ilma tema lubata ärä om lännu, ja nõwab Josepit sulases tagasi ehk poole aastapalka, 30 rubla, ja poole wakka lina seemne külwi. Mes nüüd jo Jaan hendä käen ütles olewad.

Josep Wasser ette kutsutu ja see kaibus kuulutetu, ütlep: et Jaan om kül temäle käe raha kätte andnu ja üttelnu wanamees ütles kauple sina kül mina palga massa. Niisama ütles ka Josep hendäl kõige wanamehe rõiwa olewad, ei mitte Jaani käest midagi. Selleperäst lubanu ka wanamees tedä wallale ja temä ei woiwad ka seal enämb teeni. Mes jo kõik tääwa.

Jaan Wasser ütlep rõiwaste peräst, et minol es ole jo rõiwit anda, temäl om oma sõsar wanamehel naine, tu and rõiwa.

Johann Wasser (wanamees) ütlep et Jaan om kül raha andnu, ja ka palga lubanu. Rõiwa olnuwa kül tema poolt, ja Josep pidanu ka neid sama rõiwid mes temägi.

Otsus:

Kogokonna kohus mõistab, et kül Josep Wasser, Jaan Wasser teenistuselt ärä om lännu, ei ole Jaanil enämb midagi Josepi käest saada, sest et Josep om saanu pessetus, ja teenistusest wallale lubatus - om Jani kaibus Josepi wasta tühjas.

Otsus kuuluteti § 773 ja 774 perrä T.S.

Jaan Wasser es ole rahul ja saie ka selsamal päiwal opus kiri antus.

Pääkohtumees Andres Nikopensius

Kohtumees Peter Nemwalz

do: Joh. Nikopensius

Protokoll 20.Octobr wälja antu