Widrik Parrind Räppinä moisa mona mees kaibas kohto een et 3 näddälid aigo taggasi ollewa temmä hommingo Risti pollult moisahe töhhi tulnu, Gustaw Otsingiga teise mona mehhegä, ja sis om tee pääl wasta tulno Werriorralt Peter Piir ja Jaan Piir, ja sis kui Peter Piir om hobbesega sõitno möda minnen ollewa Peter temmäle pitsägä lönud ja om silma nurga katki lönud ja om silm Werd josno, rohho eest ollewa Widrik 48 kop masno ja 6 päiwä tö päiwi haige silmä põddemissega aigo ärrä wiitno

Peter Piir üttel, et temmä ei ollewa mitte lönud.

Gustaw Otsing tunnistas et 3 hobbest om mödä sõitno ja se eddimisse hobbese mees om lönud sis temmä om selle wimäse hobbese mehhe kindi om wõtno se om Jaan Piir olno ja se om üttelno et  een om Peter Piir om sõitno een, agga Gustaw Otsing ei olle nänno kas eddimässe wõi teise hobbese mees om lönud

Jaan Piir üttel, et temmä ei olle nänno kes om lönud.

Peter ja Jaan Piir ütliwa et nei om neide hobbesed olno keik 3 tükki.

Widrik Parind üttel et temmä nõuwap 5 Rubla omma lögi eest.

Kui Widrik om tännitämä hakkano et eddimässe hobbese mees lei silmä ärrä, sis Gustaw om Jani kini wõtno.

Tunnistusse perräst jääs polele

Pä kohtomees Jaan Holsting

Kohtomees Writz Konsap

Kohtomees Writz Solnask