Teine kohhos sel sammal päiwal  

Tulli ette mõtsawaht Hendrik Tuhhand ja kaibas et Tillondi möldre Jaan Kowik obbene ollo mõisa noore raondo pääl nink nõudis tolle eest 2 rubla kahjotassomist. 

Sai ette kutsotus Jaan Kowik kos temma mitte es olle tulno enge aste ette temma sullane Johan Abel temma assemelle kes tolle mann om süüdlanne olno ja sai kaibus ette loetus kes mitte es salga enge pallel andis, et temma ollew henda obbene niedo pääle ja säält om ülle piiri länno ja ütles taa om uts johtomisse assi. 

Otsus   Kohhos mõistis et om ülle piiri laskno massap Johann Abel kinni wõtmisse eest üts rubla mõtaswahhile mes kattessa päiwa aja seen peäp masseto ollema, kahjo es olle sääl mitte tetto selle et ta paljas raendik om nink jäije ka tolle perrast kahjo eest mõistmada. 

Sai kohto mõistminne ja § 772-773 kohton kaiadelle ette loetus ja olliwa mõllemba wäega rahho. 

                 Karraskij Kohtomajan sel 18 augustil 1878.

                 Päämees  Jaan Tullos

                 Kohtomees Jakop Uibo

          teine      do  Jaan Leppäson