Karraskij Kogokonna kohhos sel 1 septembril 78

Tulli ette soldat Johann Waldsoon Kährist ja kaibas, et minnewa süggise Werro lienan märdi laadel, ollewa temma wiis pesseto lamba nahka ostno, kos egga nahk 1 rubla 50 kop masno, ja johtono laade platsil Johann Kuhhi´ga kokko, nink pallelno tedda Johann  Kuhhi et minna panne omma wiis ostetod lamba nahka kottiga sinnä sinno wankri pääle, ja andno puddelist Johann Kuhhile hää tego eest wiina, kos Johann Kuhhi selle pääle üttelno, panne pääle, ne ei olle küll minno wankri, enge minno wäimehhel, kae minno tüttar istos wankri pääl küll temma kaes et allale omma, selle pääle andno weel J. Kuhhi´le puddelist wiina, pandno nahha wankride, kos J. Kuhhi tüttär Liis Wõsso ne nahha wõtno, ja pandno henda istme alla, nink selle pääle länno ärra, ja tulno tükki aja perräst taggasi, ent ei olle ennamb keddägi sääl paigan leidno, ollowa ärra sõitno ja minno nahha ka ütten ärra wiino. Nüüd lätsi minna Johann Kuhhi poole koddo, ja nõudsin ommi nahko, kos J. Kuhhi minnol wastosses andis, kas minna sinno nahko waht ollen, wõtta säält kohhe sinna ollet pandno, nüüd palle kohhot omma asja selletussele wõtta, et temmä ommandus kätte saas tunnistada wõiwat Kährist 1 Jaan Seeba nink 2 Johann Seeba ja 3mas Jaan Juur. 

Kutsoti ette Johann Kuhhi tüttar Liis Wõsso wöörmünder temma mees Michel Wõsso sai üllewanne kaibus ette loetus, kes selle pääle ütles, sääl nemma olliwa, minna ajasin omma lella naisega jutto, ja lätsin temmaga kõndima Kas minna tian ehk wõttiwa nemma essi ne nahha ärra, kaddono nemma olliwa. 

Sai ka Johann Kuhhi ette kutsotos, ja neide nahko perräst küssitus, kes ütles, sääl nemma olliwa, nink küssewa minno käest küll lubba, ent et minno wankrit sääl es olle es woi minna middägi lubbata, wiina minna temma käest ka ei olle wõtno. 

Kutsoti ette eddimänne tunnistaja Jaan Seeba sai neide nahko perrast küssitos, kes selle pääle ütles, minna käisin ka Johan Waldtsooniga ütten, nink temma ostis wiis pessetod lamba nahka, ja saime wankri manno, kos Johann Waldtsoon pallel Johann Kuhja, kos J. Kuhhi tüttar neid henda hoijo alla wõttis pandno nahha sinnä wankri nink lätsime tükki aja perrast taggasi, es löwwa ennamb keddägi, olliwa kiik ärra kaddono, et Johann Waldtsoon ne nahha sinnä wankride pandis om tõtte.

Kutsoti ette tõine tunnistaja Johann Seeba kes ni samma ütles kui Jaan Seeba

Kutsoti ette kolmas tunnistaja Jaan Juur ja sai ni samma neide nnahko perrast küssitos, kes ütles et temma olnu ka ütten, kui Johann Waldtsoon pandno wiis pessetot lamba nahka, Michel Wõsso wankri pääle, kos Michel Wõsso naine Liis Wõsso om mann olno, nink wõtno ne nahha kottiga ja pandno henda kätt mööda omma istme alla, kos Johann Kuhhi ollewa weel Johann Waldtson käest kats kõrd puddelist wiina wõtno. 

Otsus  Kohhos mõistis tunnistajatte wälja ütlemisse perrä et Liis Wõsso om ne lamba nahha henda hoole alla wõtno hoita sis peäp temma ka neide eest wastotamma, nink peap kattessa päiwa aja seen ne wiis pessetod lamba nahka Johann Waldtsoon´il kätte andma, ni kui om wõtno, ehk massap sen samman terminin säitse rubla wiiskümmend hõb se om 1 rubla 50 kop tükki eest jälle siin kos waja wälja. 

Sai kohto Otsus ja § 772-773 kohton käiadelle ette loetus, ent Liis Wõsso wöörmünder Michel Wõsso es olle sellega rahhol et arwas hendal naisel liiga tetto ollewat, nink pallel Protokolli mes kohhos ka lubbas anda

                                                          (Allkirri)