Ette tulli Hans Ergens Pindist ja kaibas Peter Kahre pääle, kelle käen temä linna massin olnu, kats aastat, selle eest kullu 6 rubla, ja 5 rubla selle eest et temä massinal perän käünü ja kätte ei ole saanu. Ja pääle sedä olewad üts suur kast saada, üts sittawigel 60 kop., kats kotti hütsi  neide eest 1 rubl. 20 kop., 1 sarri 2 rubla, kats lehmä ruuht, ja pääle sedä et tä üts kõrd rusikoga rindu oli löönu.  Üts luk 3 rubla.

Saije Peter Kahre ette kutsutus ja see kaibus kuulutetus, ütlep linnamasina peräst, et temä om linnamasina selle eest hendä kätte wõtnu, et Hans oma suurt kasti temä elotussest ärä ei ole wiinu, mes temäle 40 rubla kahjo hoitmise eest om tettu.

Sittawikla es ütle temä mitte nännu olewad, hütsist ei kottest ei teedwad ka temä, sarja kerre wedelewad nüidki temä us-aijan wõiwad ärä wedada, lehmä ruhhist ei olewad ka temä käen. Ja Peter Kahre nõwab 6 rubla selle eest, et Hans tedä ilma asjanda kohtule wedawad.

Hans Ergens and tunistaia Hans Kottkas Pankoti wallast, ja Marri Keermann ja ta poig Suure Kemjast Karl Kahre.

Jääb poolele kunni tunistaia saawa.