Ette tuliwa Punagu Kolga peremehe Sokka Johann Sokk nink Johann Kurwitz ja kaibawa Koorweere weski perispidäja Jakob Kong pääle, kes oma weski wee üle liiga kõrgen pidamisega neile hirmust suurt kahjo tegewad, neide haina ma olewad selle läbi wee alla pantu, et wesi kõrgen ülewan saiswat. Ene kui wesi madalamban olnu, kui wee pidamine Kidjärwe moisa ei olewad neile mitte kahjo saanu, Kroonu poolt ei olewad ka neile sedä kahjo mitte massust maha arwatu; Ja nemä arwawa oma kahjo egä aasta saawat 300 punta haino, nink sedä kahjo olewad nemä jo 11 aastad saanu. Ja aniwa selle man tunistaia, kes ene nännuwa, kui wesi mitte ülewan ei olewad saisnu, ja nemä mitte kahjo ei ole saanu ent nüüd kui wesi ülewan saiswat kahjo saawad, Jaan Holz n. Peter Ussin.
Tunistaia Jaan Holz tunistab, et enne kui tu niit kuiw olnu saanu Johann Kurwitz maia iks kuus koormad haino, nüüd ei saawad säält suurest midagi. Johann Sokk saawat ka kül kuus koormat haina kahjo, mes tä enne mitte ei ole saanu; kui wesi niidu pääle ei ole saisno.
Peter Ussin tunistab, er ene kui wessi mitte nii kõrgen ei ole peetu, olnu neide haina ma kuiw ja saanuwa paljo haino, ent nüüd kui wessi kõrgemb peetawad kui enne, saiswad neide haina ma wee sisen, ja ei saawat mäntsitki haino olewad wesi haina juured üles tõstnu nink olewad samal pääle kaswanu.
Andres Nikopensius kmk Johann Nikopensius tunistawa et nemä kaenuwa sis üle, kui Koorwere weskit tettü, ja wesi maha lastu olnu, sis olnu tu niit nii kuiw et wõinu wai üles künda.
Johann Sokk and weel tunistaia Kioma pää kohtumees , Kioma wallawanemb ja Kidjerwe pääkohtumees Daniel Tear, kes tunistab et temä om tuud nännu kui weski tamm man olnu, sis olnu kül niit kuiw, aga kui weski tam ülewan olli sis olewad kül wesi niidu pääl.
Jääb poolele.
Ette tuliwa Punagu Kolga peremehe Sokka Johann Sokk nink Johann Kurwitz ja kaibawa Koorweere weski perispidäja Jakob Kong pääle, kes oma weski wee üle liiga kõrgen pidamisega neile hirmust suurt kahjo tegewad, neide haina ma olewad selle läbi wee alla pantu, et wesi kõrgen ülewan saiswat. Ene kui wesi madalamban olnu, kui wee pidamine Kidjärwe moisa ei olewad neile mitte kahjo saanu, Kroonu poolt ei olewad ka neile sedä kahjo mitte massust maha arwatu; Ja nemä arwawa oma kahjo egä aasta saawat 300 punta haino, nink sedä kahjo olewad nemä jo 11 aastad saanu. Ja aniwa selle man tunistaia, kes ene nännuwa, kui wesi mitte ülewan ei olewad saisnu, ja nemä mitte kahjo ei ole saanu ent nüüd kui wesi ülewan saiswat kahjo saawad, Jaan Holz n. Peter Ussin.
Tunistaia Jaan Holz tunistab, et enne kui tu niit kuiw olnu saanu Johann Kurwitz maia iks kuus koormad haino, nüüd ei saawad säält suurest midagi. Johann Sokk saawat ka kül kuus koormat haina kahjo, mes tä enne mitte ei ole saanu; kui wesi niidu pääle ei ole saisno.
Peter Ussin tunistab, er ene kui wessi mitte nii kõrgen ei ole peetu, olnu neide haina ma kuiw ja saanuwa paljo haino, ent nüüd kui wessi kõrgemb peetawad kui enne, saiswad neide haina ma wee sisen, ja ei saawat mäntsitki haino olewad wesi haina juured üles tõstnu nink olewad samal pääle kaswanu.
Andres Nikopensius kmk Johann Nikopensius tunistawa et nemä kaenuwa sis üle, kui Koorwere weskit tettü, ja wesi maha lastu olnu, sis olnu tu niit nii kuiw et wõinu wai üles künda.
Johann Sokk and weel tunistaia Kioma pää kohtumees , Kioma wallawanemb ja Kidjerwe pääkohtumees Daniel Tear, kes tunistab et temä om tuud nännu kui weski tamm man olnu, sis olnu kül niit kuiw, aga kui weski tam ülewan olli sis olewad kül wesi niidu pääl.
Jääb poolele.
