Tõiselt. Tulli ette mõisawalitsusse assemnik mõtsawaht Jaan Uibo suusõnnaga, ja pallel Koggokonna Kohhot Peter Warjenil kohto een ülles üttelda nink andis Peter Warjen´il süüdi ülles kui nimmelt. -

1. Et ei kuldwat mõisa sõnna, ehk käsko, nink jätno 1 rubla 65 kop renti massmata

2selt Käup tullega hooletussen ümbre, nink ei hoija hendal latternat

3dalt Ei pühhi omma jaggo korstnat nink 

4dalt  Ei olle teistega mitte majan rahholikkolt, ehk küll mõisa poolt om saano käsk antud mitto ja mittond kõrda, ni kui jo kohhos essi  tiap tüllitsemisse perräst, sest et perris herrä tahhap henda säratsist innemeistest kawwen hoita. -

Kutsoti ette Peter Warjen sai perris herrä ülles andminne kui ka süüd ette loetus, kes henda kige piddi püüs wabbandada ent kohhos näggi ärra et süüdlänne olli. -

Otsus  Kohhos mõistis, selle et awalikkolt nätta süüdlanne olli, jääp ülles andminne kindmas, nink Peter Warjen peäp een tullewal kewajal maja illosaste käest ärra andma, ehk pallego perris herrat, wast jättap süüd andis, kui parrandap, ja jätt weel maija, nink muido sai weel kohto poolt kõwwa käsk antus kiiki neid üllewal ülles anto punkte, warsti ärra teüta, nink majan rahho piddada. -

Sai kohto mõistminne ja § 772-773 kohton kaijadelle ette loetus, nink lätsiwa rahhon wälja. -

                                                               (Allkirri)