Kolmandalt   Tulli ette Jaan Loodus Karraskist ja kaibas omma poja Johann Loodus assemel, et ollewat rätsep Johann Häelme´ga leppito olno, et piddi minno poiga ausal wiesil rätseppa tööle oppama leikamist kiik suggost mes agga ette tullep, ent nüüd om aig peä otsan ja om temma tedda orjano ja leikamist ei laskwat sukkogi kõrwalt ei ka muido oppida, mes rätsep tollest saap kes ennegi ummelda oskap leikamist peäp tõisel tetta laskma, nink kui se nidi om et leikamist temmale ei oppa et täwweste selges saap, sis jägo wai aig mes weel olla om ollematta, nink kaup sis katski olgo, et kumb kummagil teine tõise käest noudmist ei olle. 

Sai ette kutsotus rätsep meister Johann Häelme ja sai üllewanne Jaan Loodus kaibus ette loetus kes selle pääle ütles. se om puhhas wõlsminne, minna woin tunnistagit ette tuwwa wai mitto et om minno assemel mitmel perremehhel essi leigano ja ummelno, kes tedda leikamisse oppimist om keeldno, essi josep kiik ööd ümbre et üts ainos öö hullkomadda ei ja nink päiwa omma silma kinni. 

Otsus   Kohhos mõistis et om perramänne aig käen, ja peap rätsep omma poisi Johann Loodus´sel laskma leigata mes ennegi ette tullep, ja kui peäs pois tahtma essida sis peäp näutama et ei mitte nida tee seddawiesi ja õigele teele juhhatama, nink pois peäp sõnna kuldma ja essi ka illosaste leikamist opma, ja aig teüs ollema peäp, nink ei tohhi ööse ümbre hulkoda tolle eest peäp meister walwama. 

Sai kohto Otsus ja § 772-773 kohton käiadelle ette loetus nink lätsiwa rahhon wälja. 

                                             Karraskij Kohtomajan sel 6 oktobril 1878.

                                                                Pääkohtomees Jaan Tullos  XXX

                                                                Kohtomees      Jakop Uibo  XXX

                                                               teine  do         Jaan Leppason  XXX