Karraskij Kohtomajan sel 3.al nowember 1878.

Tulli ette Karraskij Wija Hindriko tallo rentnik Jaan Mark ja kaibas et perris ommanik Jaan Braggi ollewa temmal ülles üttelnu nink wastselle rentnikulle maja ärra andnu, ilma, et temmale olles teedmist andnu, kui kalli rendi est temma Jaan Braggi teisele om wälja rentinu, ehk olles temma J. Mark essi jäle wastsest rendile wõtnu, Ent wiimate üttelnu siski selle sõnnaga jah minnol om teisega kontrakt ärra tettu, nüüd ei sa ennamb middagi. Nink nõüdis omma kahju tassomist kui nimmelt,

Kui se minnol wälja massetas, lähha ilma sõnna lausumatta

Kutsuti ette perris ommanik Jaan Braggi, sai kaibus ette loetus, kes selle pääle ütles, minna olle õigel ajal Kontrakti perra Kog. Kohhut pallelnu, ülles ütlemist mann ollemissen Jaan Mark´il kuulutada, se olli sel 7al julil 1878. nink Kontrakti leppitu aig saap ka täis, ehk kes woip minno sundi sääratselle rentnikulle omma Maja andma, kes minno ni mitmel wiisil om trotsinu ja üttelnu, minna sinno ei tunne, mes minna woi tunnistajattega tõttet tetta, nink minno Maja lassep kohhalt hukka minna ni kui kohhus essi om nännu, ehk kas minna piddi tullema omma Maja Jaan Mark´il rendile pakkuma, J. Mark teedse küll, kui temmal sai ülles ütteldus kos minna ella, tulnu sinna wastset leppingut teggema, agga J. Mark es tulle mitte.  Sis woise minna ommaga tetta ni kui hendal arwassi hää ollewat, nink perra ei olle temmal ennamb middagi nõudmist, ehk kui Kontrakt ja Kohhus kässep, sis pea massma.  Nink pallel Kohhut omma ülles andmist wasta rentnik Jaan´i kuulda wõtta, ja ülles kirjotada laske, kui nimmelt. 

sedda mes Kohto wannembist sel 7al Octobril  se aasta ülle kaetus:

1, Hainama Ziggadest Zongitu, ja Ellajattest ärra sokkutu.

2, Mõtsa allule Ziggadest ärra Zongitu, ja puu juure ärra järretu

3, Kattessa wakkamaad Ristik haina piddi ollema külwetu, Ent ei olle sukkuki ülles tulnu, kas om seeme halw olnu, woi ei olle sukkuki külwetu.

4  Hoonete kattusse kik laggunu, ei olle sukkuki parrandedu. 

5, Kik karri Ellaja saiswa Usseaija pääl, nink ei mitte saetu paigan kui nimmelt Laudan ehk tahra pääl, selle läbbi lähhap Nurme wartus huka

6. Olgi ei olle sukkuki Lauta ega tahra laotedu. 

7  tunnistajatte wahhel tettu maa lepping, om wakka Rukki külwmatta.

8,         do              do        "       do     do   , piddi egga ajasta katte wakkama ristik haina all ollema, ent ei olle sukkuki ollnu. 

9, Tunnistajatte wahhel tettu maa Lepping, piddi selle maa jaos 3 Sarw Ellajat rohkemb peetus saama kui Kontrakt kässep, ent ei olle mite peetu, selle läbbi omma Nurme lahjembas jäänu, nink omma kahju est palle kohhut, et nõwwas rentnik Jaan Mark käest henda kätte sisse 259. Rubla täwwelikko Maja ärra andmisseni, ehk kui ei peas rahha mitte saama rentnik J. Mark warrandus Kautsionis ärra kirjotada. 

Otsus    Kohhus moistis selle perrast, et perris ommanik Jaan Braggi, ei olle mitte omma wastast rendi  leppingut wannale rentnikulle J. Mark´il ette kuulutanu, ehk olles wanna rentnik essi jälle maja wastsest rendile wõtnu, nink nüüd om wast selle ärra andnu, massap J. Braggi, J. Mark´il, se om mes Kontraktin näitap perrametse aasta rendi massminne 100 Rubla hob. mes katte naddala seen peap ärra massetu ollema, ent se suusõnnaga leppitu maa est, J. Mark noudminne moistis Kohhus tühjas selle et sel mitte õiget kinnitust ei olle, nink Sanna, Kaiwo, ni kui ka haina est, J. Mark nõudminne jääp kewwajas.

 Sai kohtomoistminne ja § 772n. 773. kohtunkäujattel ette loetus, ent mollemba es olle rahhul, et arwassiwa hendal liiga tettu ollewat, nink pallelsiwa Protokolli mes kohhus ka lubbas anda.         

                                Karraskij sel 3al novembril 1878.

                                                 Eenistja, Jaan Tullus  XXX

                                                 Manistja, Johan Karrask  XXX

                                                 Abbi kohtum. Johan Raig  XXX