Serreste mõisa walitsuse nimel Herrä Kiel kaibab Johann Ajalik pääle, kes olewad 20 rubla selget raha saanu, wakkama ristik haina tegemata jätnu 10 rubla selle eest, 1 wakkama rükka tegemata jätnu, 10 rubla. Üle pä kokko 40 rubla.

Johann Ajalik ette kutsutu ja see nõudmine ette pantus. Ütlep ses kaibusen, raha asja õige olewad, enegi ta arwab poole terrä wiljast tasa saanu olewad. Tegemata rüga ei olewad olnu poole terrä meeste töö.

Ristik haina seemend ei olewad olnu külwa, selle peräst jäänu ka ristik hain tegemata.

Otsus:

Kogokonna kohus mõistab, et Johann Ajalik peäb lainatu raha 20 rubla, ja ristik haina eest raha  10 rubla ärä masma mõisa Herräle.

Röä tegemise eest ei saa midagi mõistetus. Jääb tühjas.

Otsus kuuluteti §  773 ja 774 T. Säädusen.

Johann Ajalik es ole otsusega rahul ja saie selsamal päiwal opus kiri antus.

Pääkohtumees Jaan Luik

Kohtumees Peter Tallomees

     "  Johan Punnak

   "   Jaan Hingo

16 April Päält kiri.