Ette tulli Joosust Peter Jaanson ja kaibas Märt Porrile pääle, ja nõwab ta käest oma hobest, mes ta 24 aasta eest tälle andnu oli mitte hinda enegi hobest. Tu hobene masnu Jaani päiwa laadel 36 rubla. Ja nõud tuud sama kätte.

Märt Porrila ses kaibuses ette kutsutu ütlep et temä ostnu kül Peter Jaanson käest hobese ja masnu ka hobese eest laadel 13 rubla ära niida et Peeter Jaanson welli Jaan Jaanson andnu 10 rubla ja 3 rubla andnu temä esi, sis sama laada pääl. Pääle seda andnu temä Jaan Jaansonil ütte lehma 9 rubla eest, ja ütte rubla masnu Jaan Jaanson eest päärahas. Ja niida sanu see raha tasa. Ja lubab 10 rubla ärä massa, kui Jaan Jaanson Petrele masnu ei ole. 

Otsus:

Kogokonna kohus mõistab et Mart Porrila peab 10 rubl. Peter Jaansonil ärä masma, katte nädali sisen, ent kolm rubla mes waidlemise al om, jääb tühjas.

Otsus kuuluteti § 773 ja 774 p.T.S.

Märt Porrilo lubab ka seda 3 rubla ärä massa ja leppisiwa ärä.

Pääkohtumees Jaan Luik

Kohtumees Peter Tallomees [allkiri]

do.: Johhan Punnak [allkiri]

do;: Jaan Hingo xxx

15 Februar 1878 10 rubl. Jaansonil wälja massetu.

17 März 1879 P. Jaansonil Copia