(Kolmandalt) Tulli ette Jakob´i tüttar Liso Rattus, (wöörmünder Tannil Karner,) ja kaibas et Johan´i poig, Jaan Tullus (kellega temmal ilm abbi elluta poig om,) ollewa tedda kewwade Keiserlikko Kihhelkonna Kohto mann ni kaugelle ärra leppitanu, et lubbanu Naises ärra wõtta, mes ka Kõrgemballe Kohtule sai ette kuulutedus, ja selle wiisiga temmal (Jaan Tullus´el) ei olles mitte tarwis latse kaswatamisse abbi rahha tarwis ollnu massa, nink nüüd seeni ajani omma lubbatud leppingut mitte ei olle ärra täütnu, nüüd palle kohhut, et tedda (Jaan Tullus) sunnis omma lubbamist ärra täüta. 

Kutsuti ette Jaan Tullus sai üllewanne kaibus ette loetus, kes sellepääle ütles, minna olles omma leppingut piddanu ja Liso Rattus hendal naises wõttnu, ent minnol ei olle hendalgi kottust kos minna weel naise panne. 

Otsus   Kohhus moistis sele et nätta olli, Jaan Tullus´sest, Liso Rattus wõtjat ei sa, kui olles tahtnu wõtta, olles kik omma lubbamist piddada ja täüta wõinu, agga et ei olle?  Sellesinnatse kohto Protokolli Otsusse perra sest 31.est märtsist 1878. No 22. massap Jaan Tullus, Liis Rattus´sel (50.) wiiskummend rubla latse kaswatamisse abbis, nink nimmelt sedda wiisi, egga aasta (5.) wiis rubla konni kümme ajastaiga. 

Sai kohtomoistmine ja § 772. nink 773. kohton käijatelle ette loetus, ent Liso Rattus, es olle sellega rahhul, et arwas hendal liiga tettu ollewat, nink pallel Protokolli, mes kohhus ka lubbas anda. 

    sel 13.al Novbr wälja antu.                                      Eenistja, Jaan Tullus.  XXX

                                                                                     Mannistja, Jakob Uibo  XXX

                                                                                      do      ,  Jaan Leppason.  XXX