Karraskij Koggokonna Kohhus sel 1.el dezembril 1878.

 Tulli ette Mõttsawaht Jaan Uibo ja kaibas, (mes jo mitto kõrd, kohtole tahtnu ette panda agga maamõõtja Jakoby ikkes es olle kohto kutsumisse pääle mitte ette tulnu,) et meije ollime kolme keiste mõtsan, kui nimmelt, minna, Jaan Uibo, mõtsawaht, Hindrik Tuhhand, ja Moisa Renntnik, Peter Koth. Ja kaesime ja annime rentniko Häkko mes tälle Raendiko päält kokko olli lubbatu panda temmale  kätte.  Nink leidsime Jaanimoisa Maamõõtja Jakoby Ellajat Karrasky moisa keeletu kasso Raendun, kui nimmelt, 3 suurt Ellajat üts oehwakenne üts wassik ja kolm Lammast.  Nink pallel kohhot Säädusse Ramatu perra, perris herra käsu pääle moista. 

Kutsuti ette Jaanimoisa piddaja Maamõõtja herr Jakoby, sai kaibus ette loetus, kes selle pääle ütles, sallata minna ei woi, kui om johtunu woip olla, agga siski minnol ni paljo ellajat ei olle kui om ülles antu, minnol om enneki ülle kiige 6. Ellajat, kui nimmelt, 2. Lehma, 1. Bull, 1, Wassik, ja 2. Lammast. 

Otsus   es lassewagi kohtol moista, ent tulliwa warsti Kohto ette taggasi, nink anniwa ülles, et olliwa ärra leppinu, nink nimmelt sedda wiisi, Maamõõtja herr Jakoby massap 3 Rubla, mes 4a näddala seen wistist ärra massetu peap ollema, nink lätsiwa rahhun wälja. 

                                  Karrasky Kohto majan sel 1.el december 1878.

                                                              Eenistja: Jaan Tullus  XXX

                                                              Mannistja;:  Jakob Uibo  XXX

                                                              Mannistja: Jaan Leppason  XXX