Saije see kadonu Ado Kukk waranduse selletus mes 17. Novembr pr. № 160 al sisse om kirjotetu seletetus ja neile ette loetus. Poja oliwa ette tulnu: Johann, Jakob, Jaan n. Peter Kukk lesk Mina Kuk n. Wöörmündri.
Wöörmünder Peter Kuklas ja Jakob Kuk kaibawa et Peter kes kui Wöörmündride al om, et ta ei olewad rõiwid saanu, talwes pidada.
Niisama ütlewa kõik nee nimitetu, et kirjotuse ajal jättetu 12. lamba nahka ja 1 wasiko nahk maha.
Wöörmünder Peter Kuklas nõwab rumaläle Peter Kukele 1. moona, niisama Jakob n. Johann Kukk. Peter Kuk ja ta wöörmünder Peter Kuklas nõwawa 11 aastapalka 15 rubla ajast weel pääle, Peter Kuk nõwab esi 25 rubla palka.
Jakob Kuk nõwab maia, sest ta olewad maia esäle andnu. Ja lubab ka Peetrit pidada.
Jaan Kuk nõwab ka maia, sest et ta ei olewad midagi esä warandusest saanu.
Laste wöörmündre Jaan Luik n. Jaan Sokk ütlewa selle wastuses, et Jakob Kukk om oma pool maia jo ärä müünu, nink kadonu Ado poolest ei ole Jakobil midagi, sest et Ado Kukk om esi jo oma poole eest wõlla masnu. Sest et wõllaga om maja wõetu.
Jakob Kukk seletab, et neide kadonu emäst om jäänu 2 lehma perrä ( rõiwa kraami ei teedwad) jäänu esäl tõise naise wõtta.
Lesk Mina Kuk ütlep enegi om üts lehm jäänu toine wetu wõlla eest. Jaan Kuk ütlep ka üts ainus lehm emäst perrä jäänu.
Tunistaia ses selletuses kadonu Ado Kuk lubamise peräst omawa: Johann Kirber, Jaan Luik, n. wallawanemb Leppäson, ja Jaan Lokk.
Johann Kirber tunistab et temä om selgest kuulnu kui kadonu Ado Kuk om üttelnu, Michklist poiijast saab iks peremees, Peetrist ei saa midagi,
Wallawanemb Leppäson, Pääkohtm. Jaan Luik nink Jaan Lokk, tunistawa et kadonu Ado Kuk ei ole neile wana naise lastele midagi lubanu, keik wastse naise lastele.
Otsus.:
Kogokonna kohus mõistab, et Ado Kuk wana naise lastel ei ole temä warandusest midagi perida, ei majast ei ka warandusest, sest et wanast naisest midagi perida ei oleski. Ni kui Johann, Jakob, nida Peter Kukkel. Maja ja warandus jääb lesk Miina Kuk kätte, wöörmündri walitsuse al. Nii kauges kui perändaja esäst kinitetu MIchel Kuk eälises saab, Warandus ja wõlla asi jääb nii kauges moista ja selleta kui Proklama aig mööda om.
Enegi wana naise p. Peter Kukk jääb ka see kõrd esä teenimise peräst waranduse külge.
Otsus kuuluteti § 773 ja 774 p. T.
Saije neile selsamal päiwal opus kiri antus.
Pääkohtumees eest Peter Tallomees [allkiri]
Johhan Punnak [allkiri]
Jaan Hingo
Joh. Porrila
PNemwalz [allkiri]
Saije see kadonu Ado Kukk waranduse selletus mes 17. Novembr pr. № 160 al sisse om kirjotetu seletetus ja neile ette loetus. Poja oliwa ette tulnu: Johann, Jakob, Jaan n. Peter Kukk lesk Mina Kuk n. Wöörmündri.
Wöörmünder Peter Kuklas ja Jakob Kuk kaibawa et Peter kes kui Wöörmündride al om, et ta ei olewad rõiwid saanu, talwes pidada.
Niisama ütlewa kõik nee nimitetu, et kirjotuse ajal jättetu 12. lamba nahka ja 1 wasiko nahk maha.
Wöörmünder Peter Kuklas nõwab rumaläle Peter Kukele 1. moona, niisama Jakob n. Johann Kukk. Peter Kuk ja ta wöörmünder Peter Kuklas nõwawa 11 aastapalka 15 rubla ajast weel pääle, Peter Kuk nõwab esi 25 rubla palka.
Jakob Kuk nõwab maia, sest ta olewad maia esäle andnu. Ja lubab ka Peetrit pidada.
Jaan Kuk nõwab ka maia, sest et ta ei olewad midagi esä warandusest saanu.
Laste wöörmündre Jaan Luik n. Jaan Sokk ütlewa selle wastuses, et Jakob Kukk om oma pool maia jo ärä müünu, nink kadonu Ado poolest ei ole Jakobil midagi, sest et Ado Kukk om esi jo oma poole eest wõlla masnu. Sest et wõllaga om maja wõetu.
Jakob Kukk seletab, et neide kadonu emäst om jäänu 2 lehma perrä ( rõiwa kraami ei teedwad) jäänu esäl tõise naise wõtta.
Lesk Mina Kuk ütlep enegi om üts lehm jäänu toine wetu wõlla eest. Jaan Kuk ütlep ka üts ainus lehm emäst perrä jäänu.
Tunistaia ses selletuses kadonu Ado Kuk lubamise peräst omawa: Johann Kirber, Jaan Luik, n. wallawanemb Leppäson, ja Jaan Lokk.
Johann Kirber tunistab et temä om selgest kuulnu kui kadonu Ado Kuk om üttelnu, Michklist poiijast saab iks peremees, Peetrist ei saa midagi,
Wallawanemb Leppäson, Pääkohtm. Jaan Luik nink Jaan Lokk, tunistawa et kadonu Ado Kuk ei ole neile wana naise lastele midagi lubanu, keik wastse naise lastele.
Otsus.:
Kogokonna kohus mõistab, et Ado Kuk wana naise lastel ei ole temä warandusest midagi perida, ei majast ei ka warandusest, sest et wanast naisest midagi perida ei oleski. Ni kui Johann, Jakob, nida Peter Kukkel. Maja ja warandus jääb lesk Miina Kuk kätte, wöörmündri walitsuse al. Nii kauges kui perändaja esäst kinitetu MIchel Kuk eälises saab, Warandus ja wõlla asi jääb nii kauges moista ja selleta kui Proklama aig mööda om.
Enegi wana naise p. Peter Kukk jääb ka see kõrd esä teenimise peräst waranduse külge.
Otsus kuuluteti § 773 ja 774 p. T.
Saije neile selsamal päiwal opus kiri antus.
Pääkohtumees eest Peter Tallomees [allkiri]
Johhan Punnak [allkiri]
Jaan Hingo
Joh. Porrila
PNemwalz [allkiri]
