Ette tulli Mõisa moonamees Samuel Treiar ja kaibas Möldre Tohwer Sawisaar pääle, kelle weski koast temäl 2 wakka rükki ärä olewad ärä kadonu. Niida et möldre pois Juri ollewad ta naise jahwatamast ärä ajanu ja jänuwa röa weski kotta, kost ärä olewad kadonu, neide ütten ka wada 1 kot, mes 50 kop.

Tohwer Sawwisaar ses kaibuses küsitu ütlep et weskist omma kül kadonu ja temäl olewad ka 4 m. tatreka suurmit warastetu ja 3 kotti, sest weski oli öösel ärä warastetu.

Möldre pois Juri Kohl ütlep et tuul lõpnu ärä, ei ole enämb weski ümbre lännu, selleperäst jäänu jahwatus poolele, nink lasknu temä Samueli naise ärä, nink ösel olno weski ärä lahotu, nink ka see röä kot wiidu.

Otsus:

Kogokonna kohus mõistab Samuel Treiari kaibuse tühjas, selleperäst et warguse läbi om kahjo tettü.

Otsus kuuluteti § § 773 ja 774 p. T. S.

Pääkohtumees Jaan Luik

Kohtumees Peter Tallomees

  " Johan Punnak

  " Jaan Hingo

Samuel Treiar es ole otsusega rahul ja saije 22. April opus kiri antus.