Saije see poolele jäänu № 105 ette wõetus.

Kaiwataw Johann Weiko oli ette kutsute nink saije Johann Sulg kaibus ette loetus, kelle pääle Johann Weiko wastutab, et Jüri Morast ja temä naise kraam saije ka kirjotetus, nink see kraam saije oksjoni pääl müüdus, nink see raha saisab Waeste laste kassan Jaan Morast hääs, ent Ado Kärbe es lase tol kõrral oma kraami kirjotada, sest ta ütles oma kram olewad ja oli ka, sest et Ado Kärbe oli maia peremees.

Johann Sulg arwab Jüri Morast warandusest puudus jääwad. 2 lehma, 2 tsikka, 2 atra, 30 Leisikut linnu, kats patta ja maja peenikest kraami ei teedwad üles anda. Sedä wõiwa tunistaia tunistada.

Tunistaia Jaan Kirber om Werrol kinni.

   "      Karl Weiko tunistab, et tuud oma kohtumehe kirjotanuwa mes Wana Ado Kärbe  lask kirjotada, ja saanu kirjotetus, 3lehma 1 õhwakene 2 tsikka 2 atra 1 lammas, ütte ratta, hobene, ja regi nink krõsna ja kats patta, wilja asi jäänu kirjotamata.

Edimält toonu Moraste naine 1 lehma ja pääle tuud lõpnuwa maja lehmä ärä. Sis toonu Morast Wanna Kuustest  sugulaste käest 1 lehmä asemele, raha asja ei teedwad üttelda.

Nink kõige selle kirjotetu kraami lubanu ka tol kõrral Ado Kärbe Moraste latse peränduses.

Tunnistaia Johann Juur tunistab et temä ei teedwad tunistada kas kirjotus man saanu kõik elaja kirjotetus ehk mitte, enegi olnu 3 lehma, 1 õhwakenne, 2 tsikka, 2 patta üts 4 pangi ja tõne 3 pangi, nink kui Morast naise wõtnu saanu lehmä ütten, pääle tuud koolnuwa maja lehmä ärä. Sis toonu Morast Wana Kuustest  weel ütte lehmä manu.

Tunn. Peter Perli tunistab, et tol kõrral kui Moraste kraami saanu kirjotetus olnu 3 lehma 1 õhwake, 1 lamas 2 tsikka, hobene 2 atra 2 patta ja kõik täüs maja kraam, sedä kõik lubanu wana Ado Kärbe Moraste latsele wähemb kui nõgel nink ütte kõrra koolnuwa maja lehmi kats tüki ärä, sis toonu Morast Wanast-Kuustest 1 lehma asemele, nink arwata ka tõise lehma osta raha.

Jaan Hämäläne  tunistab et Wana Ado Kärbe lasknu pääle tuud kui Morast  oma naisega ärä koolnuwa, ja kraami kirjotetu, 3 lehma 1 õhwake, 1 lammas, 2 tsikka, hobbene, 2 atra ja 2 patta, ratta, kõik Morast latsele. Lehmade peräst tunistab et Morast toonu kül Wanast- Kuustest 1 lehma weel manu.

Jaan Silmon tunistab, et kõik muido saanu kirjotetus, enämb kui wana rõiwa ja willi jäänu kirjotamata. Kui lehma ärä koolnuwa sis andnuwa, nemä (sugulase)tennosed andnu ütte lehmä ja  tõise andnuwa raha tõise osta.

Johann Sulg nink Johann Weikole ette loetu see een kirjotetu Protokollin tunistuse, kelle pääle Johann Sulg õige tunistuse ütlep olewad, enegi 8 lamba nahka ja ree rawa jäänu mümäta.

Johann Weiko ütlep et tol kõrral saanu kõik kirjotetus mes wana mees lasknu. Naha saanuwa ka kirjotetus.

Karl Weiko tunistab et naha olnuwa ka kül kirjotus kraami sisen, ja jäänuwa Peter Kärbe kätte, wana Ado Kärbe käest. Ree rawa olnuwa ka kül tol kõrral.

Otsus:

Kogokonna kohus mõistab, Johann Sulg kaibuse Johann Weiko wasta tühjas.

Selletus perrä 3. Juni 1870 puudus jäänu 2 lehma 2 tsikka, 1 adder, 2 patta, 8 lamba nahka, mes Peter Kärbe kätte, wana Ado Kärbe käest jäänu. See saab Peter Kärbe käest, wälja nõwetus ja waese latse Jaan Morast waranduse manu arwatus; ja wöörmündride walitsuse alla pantus.

Otsus kuuluteti § 773 ja 774 perrä T.S.

Joh. Sulg es ole rahul ja saije selsamal päiwal opus kiri antus.

2 Junil päält kiri wälja antu. Johann Sulg kätte.

Pääkohtumees Jaan Luik

Kohtumees

1 lehm	20rubla
1  "	18  "
1 tsiga	5 rubl.
1   "	7  "
1 pda	3   "
1  "	1   "
1 ader	1  "
	55 rubl.