Wiendalt.  Tulli ette, wallawannemb Michel Wõsso, ja kaibas et (olli kuulda saanu) Katri poig Johan Kebja, ollewa koolimajan koolin käümisse prii tunnin põrmandu pääl, ja ahjun, püssi rohto pallotanu, kost kahju wõip sündida. Ja pallel kohhut asja ülle kullelda, nink süüdlast säädüsselikult trahwi.

Kutsuti ette Johan Kebja ja temma wöörmünder Tannil Kerner, sai kaibus ette loetus, kes ka es woi sallata, enge üttel henda süüdlasse ollewat, nink pallel andis, et ollewa rummalussest tennu. 

Otsus.  Kohhus moistis, et tulle ja keeletu asjaga, lijaltki püssirohhuga, kost hendal ja teistel, nink ni eddesi suur kahju woip sündida mis mitte ei tohhi kooli laste sean olla, et ni om tennu, saap, Johan Kebja 10. kibbedat witsa lööki karristamisses, nink ei tohhi eddespiddi sedda mitte ette tulla. 

Sai kohto moistminne ette loetus, nink Johan Kebja ärra trahwitus, ja noomimissega ärra lastus. 

                          Karraskij Kohtomajan sel 16.al februar 1879.

                                                                                     Eenistja, Jaan Tullus.  XXX

                                                                                    Mannistja, Jakob Uibo.  XXX

                                                                                             do    , Jaan Leppason.  XXX