Karraskij Koggokonna Kohhus Jusal sel 2el märtsil 1879.

Tulli ette Jaan Laine, (Hurmist) ja kaibas, et ollewa Leesmitti Mölder Johan Pielbaum käest saada, nink pallel kohhut, et J. Pielbaum´i ärra massmiselle sunnis.  Kui nimmelt:

1.lt Põllutöö teggemisse est	6. Rubla               -  kop
2. Kolm Mõõto keswi ollewa winu wanna Möldre aigo krupis tetta, nink Pielbaum ollewa ilma lubbata wõtnu ja mahha külwnu, selle est nõwwa	3  "    --
3. Üts päiw olnu Mees ja hobbene Sitta weddaman	1   "     -
4. 15 Toopi lämmind, ehk rõõska pima, omma lubbamisse päle, a 5.kop toopi eest	--        75   "
5.Üts päiw hobbesega Wõrro Liinan käunu	--        60  "
6. Poisi Naarin käimisse est, lubbas trahwi ärra massa, es saa	--        80  "
teep ütte kokko	12 Rubla 15 kop

Kutsuti ette Johan Pielbaum, sai kaibus ette loetus, kes:

1. punkti ütles õige ollewat               6.  Rubla   -  Kop.

2. punkti pääle ütles, et mitte ni kui ülles antu om, omma lubbaga wõetu, enge temma essi olli keswa mahha külwja ja olli leppitu hind ärra tettu                       2      "        25   "

3. punkti pääle ütles, se olli talgo assi ehk päiw, agga siski minno poolt kutsutu.

4. punkti salgas koggoniste ärra, ent siiski ütles, minna lasse kui teije arwate se piim niisamma taggasi anda, kui peas tütrik wõtnu ollema, agga minna tija temma ei olle wõtnu.

5. punkti pääle ütles, et ollewa küll hobbene ollnu Werrol käwwa, agga piddanu sõprussen, ilma hinnata ollema, sündinu.

6, punkti pääle ütles, et ei ollewa mitte lubbanu poisi est massa.  

Nink pallel ka kohhut omma wasta saamist Jaan Laine käest kuulda wõtta, kui nimmelt:

1. Ülle aasta Jahwatus rahha	5 Rbl.  -
2. Üts wenne Look, höweldedu, wärwitu ja Lakkeritu	1    "    50
3. Selget rahha antu	-          25 "
teep wälja ütte kokko	6. Rbl 75 kop.

Sai weel Jaan Laine ette kutsutus, nink kohto poolt küssitus, kas temmal Johan Pielbaum wasta rehnungi ülle middagi ütlemist olles, kes selle pääle ütles, et Jahwatus rahha ollewa olnu leppitu 3. rubla aasta päält, agga tunnistajat es olle kummalgi kohto poolt nõudmisse pääle ülles anda. 

Otsus.   Kohhus Moistis, sest, et tunnistajat es woi saada, omma hää arwamisse perra, nink wõttis eddimalt, Jaan Laine ülles andmisse ehk nõudmisse ülles, nink perrast, Johan Pielbaum nõudminne, kui nimmelt:

Jaan Laine 1. punkt	Põlluteggeminne om tõtte	6 Rubl   - kop
do      do   2.  do	et weikenne wõltsi mann om arwas kohhus	2  "       50  "
do      do  3.  do	Sitta weddamine jääp kindmas	1  "       -
do      do   4.  do	Piima assi, seggamanne arwas Kohhus	-           24  "
do      do   5.  do	hobbene Werrol käino, jääp kindmas	-           60  "
do     do    6.  do	Poisi Naarin käimisse est, arwas Kohhus tühjas	-           -
	Jaan Laine Summa	10 Rubla 35 k
Johan Pielbaum 1. P	Jahwatus rahha arwas Kohhus kindmas,
	et tunnistus pudup ja kallis ka ei olle	5   "      -
do       do        2. do	Looga asjun jääp kindmas	1    "      50   "
do       do        3. do	Rahha asjun    do     do	-            25   "
	Johan Pielbaum nõudminne	6 Rbl. 75 kop

	Jaan Laine nõudminne	10 Rubla 35 kop
	Johan Pielbaum nõudminne	6 Rubla 75 kop.
	Jääp Johan Pielbaum, Jaan Laine'l massa	3 Rubla 60 kop:

mes 8a päiwa aja seen peap ärra massetu ollema.                                                                                                                         

Sai kohtomoistminne, ja § 772. n. 773. kohtun käüjatelle ette loetus, nink lätsiwa rahhun wälja.          

                                                                   Eenistja, Jaan Tullus.  XXX

                                                                   Mannistja, Jakob Uibo.  XXX

                                                                            do    , Jaan Leppason  XXX