Ette tulliva nõumehe Jaan Sokk Jaan Saloman Jaan Luik Jaan Waino nink kaibsiva endise selle walla wanemba Johann Porila pääle kes sell samal aastal Jaan Lepasoni käest wälja nõutud raha 40 rubla tema kätte saanu et tema pidi nee walla hoone wastsest tule kassa üles wõtma laske, nink ei ole seda mitte seeni tennu ei ka ära täütnu ja paluva kogokonna kohut seda nüüd tema käest ka wälja nõuda, et walla hoone saas õige pea tule kassa üles wõetus.

Sai Johann Porila küsitu ütles seo om küll õige, et mina pidi Lepasoni raha 30 rubla Karl Matzeni käest saama nink Lepasoni käest 10 rubla neid ei ole mina kumbagi nännu, ei ole mina seda raha neide kaest  saanu, seeperast ei ole mina ka seda wõinu ära täüta.

Mõistus Kogokonna kohus mõistab: Kui see oli seletedus siin jo üts kõrd sai nink Matzen Lepasoniga seda lubasiva täüta ent ei täüda, sis pidi Porila seda kogokonna kohtule üles andma nink perra laske nõuda, seda ei ole tema tennu, seeperast peab tema see raha 40 rubla nüüd omast käest kate nadali seen wälja masma.

Otsus kuulutedi § 773 ja 774 perra ette Johann Porila es ole rahul niisama nõumehe nink saiwa appelationi.