Kolmandalt  Tulli ette wallawannemb Michel Wõsso ja kaibas Walla Wöörmünder Ado Plado pääle, et kui minnole surembist kohtist kässo tullewa mes tarbis ärra teüta omma, nink selle läbbi kui termin päiwas ei olle ärra teüdet trahwi masminne pääle langep, nink kui kassak mõnne kässoga temmä poole lähwat sis tullewa roppe sõimamisse sõnnadega kassakelle wasta, kos kassak mulle ütles, et ennamb Wöörmünder Ado Pladole üttegi käsko wiema ei lähha andis tunnistajas kassak Tannil Kärner. 

Sai ette kutsotus, Wöörmünder Ado Plado ja üllewanne kaibus ette loetus, kes selle pääle ütles, se om obis wõls minna ei olle kassaket ei ka wallawannembat tema een konnagi sõimano ei ka trotsno. 

Sai ette kutsotus kassak Tannil Kärner ja kohto poolt küssitsus mink wigel wöörmünder Ado Plado sinno ja wallawannembat om sõimano kui käsko wiema ollet länno kos Tannil Kärner ütles, kui minna jaama moona moona käsko wiema lätsin sis üttel Ado Plado, temma ei olle kellegi wallawannemb, enge om üts atta puts, sedda kuuliwa ka muu maja rahwas. 

Et se assi suremb om kui arwata olli, jääp se kaibus tõise kohto päiwa pääle, konna sis maja rahwast ka saap tunnistajas ette kutsotus saama   utte arwati weitis

                                                                  Pääkohtomees Jaan Tullus  XXX

                                                                  Kohtomees  Jakop Uibo  XXX

                                                                    teine    do  Jaan Leppäson  XXX