Saije see poolele jäänu № 195 ette wõetus ja Jaan Saar üles antu tunistaia kulleldus.

Tunistaia Samo Kuhhi tunistab, et temä oma peremehe Saarega oma haina niitnuwa, sis tulnuwa Sawisaare karri sinnä, ja aianuwa kinni pääle tuud tulnu Sawisaare poig elajid otsma, peremees kartnu kohtumeest otsi, sis saawa elaja kätte. Ent ärä ajamist ja riismist ei olewad nännu.

 Liis Naggel tunistab niisama kui een nimitetu, ent Sawisaare poig ajanu ilma nägemata ärä, olnuwa wäraja tagast katsi raotu ja eläja ärä aetu.

Jaan Sawisaar es ole tulnu, oliwa enegi naine ja poig ette tulnu, ütlewa et Jaan Sawisaar jäänu kodo, ei olewad läbenu tulla.

Sawisaare naine ütlep et temä ajanu kül lehmä ärä, sest et tõisel päiwal kadonuwa jo lehmä ärä ja temä ei ole wõino enämb elajid sinnä jätta sest nee olnuwa nüsmata.

Sawisaare poig Jaan ütlep et temä ei olewad kunagi elajad ärä ajano, ei olewad ka tol päiwa elaja karjast mitte kaotsin olnu.

Otsus: jääb see kõrd poolele kuni Jaan Sawisaar otsust kuulma saab.