Ette tulli Jaan Kõiw ja kaibas ja nõwab mes peräst temä kaibust Jaan Sawisaar wasta ei selletata. 

Kõiw näütas kats wõttind ette, kellega ka temä ait wallale saawad wõtta, mes Jakob Wang tälle andnu ja üttelnu Sawisaare lawa suhwlist saanu olewad.

Ja kaibab et Sawisaar lubanu temä hobesid ka ärä saata.Temä sullase Jakob Mõts läbi tahtnu Sawisaar ka haino, temä hobesid ollewad mittu kõrda kurja töö pääle koplist wälja ajanu.

Jakob Wang tunistab wõtme kül Sawisaare suhwlist saanu olewad. Ja ütelnu Kõiwo hobese olnu kül omaki tarbis ärä saata.)  Sawisaar ajanu kül Kõiwo hobesid wälja rünkä ja käsknu temäl ajada temä ei ole ajanu. Hobese ärä riismise peräst tunistas, et temä om Sawisaarega  hobest ärä tooma lännu, sis ei ole Kõiw lubanu anda ja üttelnu minol ei ole mehi kotton, ega mina wasta pand ei wõi, sis wõtnu Sawisaar esi rihma otsast ärä.

Jakob Mõts tunistab haina nõudmise peräst, et Sawisaar om temä käest küsinu üts koserka täüs haino, nink niida olewad Sawisaar temä käest 3 kõrda nõudnu, ja andnu tolle eest iks kõrtsiman wiina temä ei olewad ometi kunagi andnu.

Otsus:

Jääb nii kauges kui Sawisaar ette saab.