Ette tulli Jakobi p. Peter Nikopensius ja palles temä hendä peräst protokolli üles wõtta, ja sedä protokolli Keiserliku Werro Nikrudi wasta wõtmise Commissionil tunistuses ette sääda, selle üle et temäl awalikult koleskellemise (lange) tõbbi olewad; arwab sedä tõppe jo 10 aastat põdewad, nii et egäkõrd enämbide sis pääle tullewad kui magama tahab jääda; sedä olewad nännu Johani naine Tiina Kahre  n. Joh. Kelt.

Tiina Kahre tunistab selle Peter Nikopensius peräst, et temä olnu sääl maian teeniman, sis nännu selgest et Peter Nikopensiusel olnu lange tõbbi jo sis kui temä kas 10ne ehk 12ne aastaline olnu.

Johann Kelt tunistab: et temä om Peter Nikopensius esä man teenistusen olnu, sis om nännu et Peter Nikopensiusel om olnu lange tõbi, om käsi rusikahe kisknu ja wäristanu, tuud om ehk 15.aastat tagasi.

Nink selsamal suwel röä põimu ajal om temä weel ütskõrd Peter Nikopensiust ses samas tõbbes nännu.

Daniel Ostra tunistas et Peter Nikopensiusel om röä põimu alustusen lange tõbbi jälle alganu, nink om tol kõrral järgi mööda terwe nättal olnu.

Otsus:

Sedä üles wõetud Protokolli Keiserliku Werro Nekrudi wastawotmise Comissionil ette sääda.

Kohtomees Peter Tallomees [allkiri]

Johhan Punnak [allkiri]

Peter Kirber [allkiri]