Saije see poolele jäänu № 212 Jaan Saar kaibus Jaan Sawisaar wasta ette woetus.

Wallawöörmünder Andres Kuklas tunistab, et Saarel olnuwa karja aija wärre lukkuga kinni pantu, ent nee olnuwa tagast ärä lahutu, ja raotu, hoone nulk olnu lahki lahastu ja raud konks wälja tõmatu. Kroonu mõtsa alune olnu ärä sõkkutu ja ka haina ma sõkkutu ja söödu, tuud mes temä üle oli kaenu.

Saije Jaan Sawisaar ette kutsutus ja see kaibus ja tunistus ette pantus. Kelle pääle Jaan Sawwisaar wastutab, et Saar ei olewad teedä andnu kui temä elaja pantnu, ei olewad ka naisele kätte andnu kui otsman käüdü. Tõist kõrda es oles pois nii wiisil wõinu lahku kui kaibus om.

Otsus:

Kogukonnakohus mõistab:

I kõrra eest 1 rubla panti raha nink oma wõimulise elaja ärä wiimise eest 1 rubla trahwi;

II kõrra kinniwõtmise eest 1 rubla, kahjotasomist haina ma eest 4 rubla. Ja hoone lahkmise eest 2 rubla; nink trahwi 1 rubl waeste kassa.

Otsus kuuluteti kohtukäüjile § 773 ja 774 perrä T.S. Jaan Sawisaar es ole rahul ja saije selsamal päiwal opus kiri antus.

Pääkohtumees Jaan Luik

Kohtumees Peter Tallomees [allkiri]

Johhan Porrila [allkiri]

Jaan Hingo